މަސްތުވާތަކެތި ގެންގުޅުނު މީހަކު ހުޅުމާލެއިން ހައްޔަރުކޮށްފި
17 އޯގަސްޓް 2014 15:54
މަސްތުވާ ތަކެއްތި އަޅާފައިހުރި10 ސެލޯފިން ކޮޅާއެކުު ރޭ އިރާކޮޅު ހުޅުމާލެއިން މީހަކު ހައްޔަރުކޮށްފިއެވެ.
މި މައްސަލައާއި ގުޅިގެން ފުލުހުންގެ ބެލުމުގެ ދަށަށް ގެނެސްފައިވަނީ 24 އަހަރުގެ ޒުވާނަކެވެ.
އެމައްސަލައާ ގުޅިގެން ފުލުހުންގެ ބެލުމުގެ ދަށަށް ގެނައި މީހާ ފުލުހުންގެ ބެލުމުގެ ދަށަށް ގެންދަން އުޅުނު ވަގުތު މަސްތުވާތަކެތި އަޅާފައިހުރި ސެލޯފިންކޮޅުތައް އެސަރަހައްދަށް ވައްޓާލާފައިކަމަށް ފުލުހުން ބުނެއެވެ. އެހެން ނަމަވެސް އެ ތަކެއްޗަކީ އޭނާގެ ތަކެތި ކަމަށް ތަހުގީގުގައި އިއުތިރާފްވެފައިވާ ކަމަށް ފުލުހުން ބުނެއެވެ.
އޭނާ ފުލުހުންގެ ބެލުމުގެ ދަށަށް ގެނެސްފައިވަނީ، ހުޅުމާލެތެރެ ބެލެހެއްޓުމުގައި ހަރަކާތްތެރިވަމުންދިޔަ ހުޅުމާލެ ޕޮލިސް ސްޓޭޝަނުގައި މަސައްކަތްކުރާ ފުލުހުން ރޭ އިރާކޮޅު، ހުޅުލޭ އެއާޕޯޓާ ދިމާ އަތިރިމަތި ޕެޓްރޯލް ކުރަމުންދަނިކޮށް އޭނާގެ ޢަމަލުތައް ހުރިގޮތުން މަސްތުވާތަކެތި ގެންގުޅޭކަމަށް ތުހުމަތު ކުރެވިގެންކަމަށް ފުލުހުން ބުނެއެވެ.
ކިޔުންތެރިންގެ ހިޔާލު