އެސްއީޒެޑް ބިލުގެ މަސައްކަތަށް ހުރަސް ނޭޅުމަށް ޕީޕީއެމްއިން ގޮވާލައިފި
16 އޯގަސްޓް 2014 20:43
ޕީޕީއެމް ޕާލިމެންޓަރީ ގުރޫޕުގެ ރައީސް އަހުމަދު ނިހާން ހުސެންމަނިކު
ސްޕެޝަލް އިކޮނަމިކް ޒޯން (އެސްއީޒެޑް) ބިލުގެ މަސައްކަތް ކުރުމަށް ހުރަސް ނޭޅުމަށް ޕްރޮގްރެސިވް ޕާޓީ އޮފް މޯލްޑިވިސް (ޕީޕީއެމް) އިން ގޮވައިލައިފިއެވެ.
މިއަދު ހަވީރު ނަސަންދުރަ ޕެލެސް ހޮޓަލުގައި ބޭއްވި ނޫސްވެރިންގެ ބައްދަލު ވުމެއްގައި ޕީޕީއެމްގެ ޕާލިމަންޓަރީ ގްރޫޕްގެ ރައީސް އަހުމަދު ނިހާން ހުސެން މަނިކު ވިދާޅުވީ ރާއްޖެ ތަރައްޤީވާންޖެހޭ މިންވަރަށް ތަރަށްޤީ ނުވެ އޮންނަންޖެހޭ މައިގަނޑު ސަބަބަކީ ރާއްޖޭގެ ހުރިހާ ހިސާބަކަށް ހަމަހަމަ އަށް އިޤްތިޞާދީ ސިނާއަތްތައް ބަހައިލެވޭނެފަދ ނިޒާމެއް ނެތުމުން ކަމަށެވެ. އެސްއީޒެޑް ބިލަކީ އެފަދަ ފުރުސަތުތަކެއް ހުޅުވައިދޭނެ ބިލެއްކަމަށް ވިދާޅުވިއެވެ.
"މިފަދަ މުހިންމު ބިލަކާ އިދިކޮޅަށް ވާހަކަތައް ދެއްކުމަކީ ރައްޔިތުންނަށް މިކަމުގެ ހަގީގަތް އޮޅުވާލުން. މިއީ ރައްޔިތުންނަށް ލާބައާއި މަންފާ ކުރާނެ ބިލަކަށް ވެގެން ދާނެ. ބިލު ވެގެންދާނީ ރާއްޖޭގެެ އިޤްތިސާދު ރަނގަޅު ކުރުމަށް އެޅިގެންދާނެ މުހިންމު ފިޔަވަޅަކަށް،" ނިހާން ވިދާޅުވިއެވެ.
ނިހާން ވިދާޅުވީ ބިލެއް ނެތިވެސް އިކޮނަމިކް ޒޯންތައް އުފެއްދުމުގެ ބާރު ރައީސުލްޖުމްހޫރިއްޔާއަށް ލިބިލައްވާކަމަށެވެ. ޕީޕީއެމުން ބޭނުންގޮތަކަސް ބިލު ފާސްކޮށްލެވިދާނެކަމަށްވެސް ވިދާޅުވިއެވެ. ނަމަވެސް ޕީޕީއެމް އިން ބޭނުން ވަނީ އިދިކޮޅު ފަރާތްތަކާއި މަޝްވަރާކޮށްގެން ކަންކަން ކުރުންކަމަށް އޭނާ ވިދާޅުވިއެވެ.
"މިހާރުވެސް ރައީސް ބޭނުންފުޅު ނަމަ މި ބިލަށް އަމަލު ކުރެވިދާނެ. އެހެން ނަމަވެސް މިހާރުގެ ރައީސް ބޭނުންފުޅު ވަނީ ސަރުކާރުގެ އެހެން މުއައްސަސާ ތަކާވެސް މަޝްވަރާ ކޮށްގެން ކަންތަށް ކުރަން،"
ކިޔުންތެރިންގެ ހިޔާލު