ވޭމަންޑޫގައި އެން.އައި.ސީ.ޔޫ އެއް ޤާއިމް ކުރުމަށް ބަޔަކާ ހަވާލުކޮށްފި
13 އޯގަސްޓް 2014 19:54
ވޭމަންޑޫ ހޮސްޕިޓަލް: ފޮޓޯ ދިއިސްލާމް
ކޮޅުމަޑުލު ވޭމަންޑޫ އަތޮޅު ހޮސްޕިޓަލްގައި ނިއޯނޭޓަލް އިންޓެންސިވް (ކެއަރ އެން.އައި.ސީ.ޔޫ) އެއް ޤާއިމު ކުރުމުގެ މަސައްކަތް އަމިލަ ކުންފުންޏަކާ މިއަދު ހަވާލުކޮށްފިއެވެ.
ހެލްތު މިނިސްޓްރީން ހާމަކުރައްވާފައިވާ ގޮތުގައި މިމަސައްކަތް ހަވާލު ކުރައްވާފައިވަނީ އެސްބްރޯ މޯލްޑިވްސް ޕްރައިވެޓް ލިމިޓެޑާ އެވެ. އެކުންފުންޏާއި ހެލްތު މިނިސްޓްރީއާ ދެމެދު މިއަދުވަނީ އެއްބަސްވުމުގައި ސޮއިކުރައްވާފައެވެ.
މިމަސައްކަތް އެކުންފުންޏާ ޙަވާލު ކުރައްވާފައިވަނީ ހަސަތޭކަ ބައްތިރީސް ހާސް ހަތަރު ސަތޭކަ ފަސްރުފިޔާ އަށްޑިހަ ތިންލާރި އަށް ކަމަށްވެސް ހެލްތު މިނިސްޓްރީން މިއަދުވަނީ ހާމަކުރައްވާފައެވެ. އެއްބަސްވެފައިވުމުގައިވާ ގޮތުން މަސައްކަތް ހަވާކުރާތާ 62 ދުވަހުގެ ތެރޭގައި މަސައްކަތް ނިންމަން ޖެހެއެވެ.
މިއެއްބަސްވުމުގެ ދަށުން އެހޮސްޕިޓަލުގައި އަލުން އެން.އައި.ސީ.ޔޫއެއް އިމާރާތް ކުރެވިގެންދާނެއެވެ.
މިއީ ރާއްޖޭގެ ހުރިހާ ހޮސްޕިޓަލެއްގައި އެން.އައި.ސީ.ޔޫ ޤާއިމު ކުރުމާއި އެހެން ޞިއްޙީ ޚިދުމަތްދޭ ތަންތަނުގައި "ނިއުބޯން ކޯނަރ" ޤާއިމު ކުރުމަށް ސާރކް މެޓާނަލް އެންޑް ޗައިލްޑް ހެލްތު ޕްރޮޖެކްޓުގެ ދަށުން ކުރިއަށް ގެންދާ މަޝްރޫއެއް ކަމަށްވެސް ހެލްތު މިނިސްޓްރީންވަނީ ހާމަކުރައްވާފައެވެ. މިމަޝްރޫޢަށް ޚަރަދު ކުރުމަށް ހަމަޖެހިފައިވަނީ ސާރކް މެޓާނަލް އެންޑް ޗައިލްޑް ހެލްތު ޕްރޮޖެކްޓުގެ ހިލޭ އެހީއާއި ދިވެހި ސަރުކާރުގެ ބަޖެޓުން ކަމަށްވެސް ހެލްތު މިނިސްޓްރީން ވަނީ ހާމަ ކުރައްވާފައެވެ.
ކިޔުންތެރިންގެ ހިޔާލު