ކާށިދޫ ޞިއްޙީ މަރުކަޒު މަރާމާތު ކުރުމުގެ މަސައްކަތް, ހަލައްކަ ރުފިޔާއަށް ބަޔަކާ ހަވާލުކޮށްފި
13 އޯގަސްޓް 2014 19:45
މާލެއަތޮޅު ކާށިދޫ: ފޮޓޯ- ސިފާހު
މާލެއަތޮޅު ކާށިދޫ ހެލްތު ސެންޓަރު މަރާމާތު ކުރުމުގެ މަސައްކަތް ކުންފުންޏަކާ މިއަދު ހަވާލު ކުރައްވައިއެވެ.
އެތަން މަރާމާތުގެ ކުރުމުގެ މަސައްކަތް ހަވާލުކުރެއްވީ ޑީ.އެމް.އޭ ކޮމްޕެނީ ޕްރައިވެޓް ލިމިޓެޑާ އެވެ. މިމަސައްިކަތް ހަވާލު ކުރުމުގެ އެއްބަސްވުމުގައި ސޮއިކުރައްވާފައިވަނީ މިއަދު ކަމަށް ހެލްތު މިނިސްޓްރީން ހާމަކުރައްވާފައިވެއެވެ.
މިމަސައްކަތް އެކުންފުންޏާ ޙަވާލު ކުރައްވާފައިވަނީ ހަސަތޭކަ ބައްތިރީސް ހާސް ހަތަރު ސަތޭކަ ފަސް ރުފިޔާ އަށްޑިހަ ތިން ލާރި އަށް ކަމަށްވެސް ހެލްތު މިނިސްޓްރީން ވަނީ ހަމަކުރައްވާފައެވެ. އެއްބަސްވުމުގެ ދަށުން މަސައްކަތް ފަށާތާ 62 ދުވަސްތެރޭގައި ނިންމަންޖެހެއެވެ.
އެތަން މަރާމާތުނުކޮށް ގިނަ ދުވަސްތަކެއް ވެފައިވުމުގެ ސަބަބުން އެސެންޓަރުގައި ބޮޑެތި މަރާމާތުތަކެއް ކުރަން ޖެހިފައިވާ ކަމަށް ހެލްތު މިނިސްޓްރީންވަނީ ހާމަކުރައްވާފައެވެ.
މި އެއްބަސްވުމުގެ ދަށުން އެތަނުގައި ކުރަން ހަމަޖެހިފައިވާ މަސައްކަތުގެ ތެރޭގައި ކަރަންޓް ވައިރިންގ، ދޮރާއި ދޮރުފަތް ބަދަލުކުރުން، ފެން ވައިރިންގ، ފާޚާނާތައް ހެދުން ހިމެނެއެވެ. އަދި ސީލިންގ ބަދަލުކުރުމާއި، ސިންކުގެ ކަބަޑުތައް ބަދަލުކުރުމާއި، ދިޔަދޮށްވާއި ދޮޔަދޮވި ހޮޅި ބަދަލުކުރުންވެސް ހިމެނެއެވެ. މީގެ އިތުރަށް ތަށިމުށި ޖެހުމާއި، ފާޚާނާގެ މަސައްކަތްތަކާއި، އެއަރ ކޮންޑިޝަން ހަރުކުރުންވެސް ހިމެނެއެވެ.
މިމަޝްރޫއަށް ޚަރަދު ކުރުމަށް ހަމަޖެހިފައިވަނީ ސަރުކާރުގެ ބަޖެޓުން ކަމަށްވެސް މިނިސްޓްރީންވަނީ ހާމަކުރައްވާފައެވެ.
ކިޔުންތެރިންގެ ހިޔާލު