ފަުރާވަރު ކުދިންނަށް އަމާޒުކޮށް މަތިވެރީގައި ކޭމްޕެއް ފަށައިފި

އއ. މަތިވެރި ސްކޫލުގައި "ބީ ރެޑީ ކޭމްޕް" ގެ ނަމުގައި ފުލުހުން ކޭމްޕެއް ފަށައިފިއެވެ.

"ބީ ރެޑީ" ކޭމްޕަނީ ފުރާވަރުގެ ކުދިންނާއި ޒުވާނުން ހަރުދަނާ ބަޔަކަށް ހަދައި، ޒިންމާދާރު ބައެއްގެ ގޮތުގައި ތަރުބިއްޔަތު ކުރުމުގެ ގޮތުން އއ. މަތިވެރި ސުކޫލްގެ ދަރިވަރުންނާއި ބެލެނިވެރިންނަން އަމާޒުކޮށްގެން ހިންގާ ކޭމްޕެއްކަމަށް ފުލުހުން ބުނެއެވެ.

މަތިވެރި ސްކޫލުގައި މިއަދު ފެށި ކޭމްޕްގައި އެ ސްކޫލުގެ 60 ދަރިވަރުން ބައިވެރިވެފައިވެއެވެ. މީގެތެރޭގައި ހިމެނެނީ 24 ފިރިހެން ކުދިންނާއި 36 އަންހެން ކުދިން ކަމަށް ފުލުހުން ބުނެއެވެ.

އއ. މަތިވެރި ކައުންސިލްގެ ނައިބް ރައީސް އަހްމަދު އަސްލަމް ވިދާޅުވީ މި ކޭމްޕްއަކީ ކައުންސިލް އިން އިސްނަގައިގެން ފުލުހުންނާގުޅިގެން ކުރިއަށްގެންދާ ކޭމްޕްއެއް ކަމަށްށެވެ.

މި ކޭމްޕް ބޭއްވުމުގެ މަގުސަދަކީ ސުކޫލް ނިންމާފައި ކުދިން މުޖުތަމައުއަށް ނުކުންނައިރު އަހްލާގު ރަގަނޅު ކުދިންނަން ހެދުމަށްްކަމަށް އަސްލަމް ވިދާޅުވިއެވެ.

މިކޭމްޕުގައި ރަނގަޅު އަޚްލާޤާއި ހަރުދަނާ އުޞޫލުތަކަށް މަގުފަހި ކުރުމަށް ގިނަ ޙަރަކާތްތަކަކާއި ސިފަވަންތަ ދިރިއުޅުމަކަށް ބޭނުންވާ ކަންކަން ނުވަތަ ލިވިންގ ވެލިއުސްގެ ގިނަ ކަންތައްތަކެއް ދަރިވަރުންނަށް އުގަންނަވައި ދެވޭނެ ކަމަށް ފުލުހުން ބުނެއެވެ.

ކޭމްޕު ކުރިއަށް ދާނީ މި މަހުގެ 15 ގެ ނިޔަލަށްށެވެ. މިއީ ރަށުކައުންސިލަކާއި ފުލުހުންނަން ގުޅިގެން ބޭއްވި ފުރަތަމަ ކޭމްޕުކަމަށް ފުލުހުންބުނެއެވެ.