އޯޕީޕީ އުވާލައްވައި އެތަނުގެ މަސައްކަތް ހައުސިން މިނިސްޓްރީގެ ދަށަށް ބަދަލުކުރައްވައިފި
12 އޯގަސްޓް 2014 12:30
އޮފީސް އޮފް ޕްރޮގްރާމްސް އެންޑް ޕްރޮޖެކްޓްސް (އޯޕީޕީ) އުވާލައި އެތަނުގެ މަސައްކަތްތައް ހައުސިން މިނިސްޓްރީގެ ދަށަށް ރައީސުލްޖުމްހޫރިއްޔާ އަބްދުﷲ ޔާމިން ބަދަލުކުރައްވައިފިއެވެ.
ރައީސް އޮފީހުން ބުނީ މި ނިންމެވުން ނިންމަވައި އެ މަސައްކަތްތައް ހައުސިން މިނިސްޓްރީގެ ދަށައް ބަދަލުކުރެއްވިކަން އަންގަވާފައިވަނީ މިދިޔަ ބުރާސްފަތި ދުވަހު ކަމަށެވެ. އެއީ ހަރަދު ކުޑަކުރެއްވުމުގެ ގޮތުން ރައީސް އެޅުއްވި ފިޔަވަޅެއްކަމަށް ރައީސް އޮފީހުން ބުނެއެވެ.
ރައީސް ނިންމަވާފައިވަނީ ފަސް މިލިއަން ރުފިޔާ އަށް ވުރެ ބޮޑެތި މަޝްރޫއުތައް ހައުސިން މިނިސްޓްރީން ބެލެހެއްޓެވުމަށެވެ. އަދި ކުދި މަޝްރޫތައް އެ މަޝްރޫއެއް ނިސްބަތްވާ މިނިސްޓްރީއަކުން ހިންގެވުމަށެވެ.
އޯޕީޕީ އުވާލި ނަމަވެސް އެ ތަނުގައި މަސައްކަތްކުރި މުވައްޒަފުންގެ ވަޒީފާ ނުގެއްލޭނެ ކަމަށް ރައީސް އޮފީހުން ބުނެއެވެ. އަދި އެމީހުން ބަދަލުކުރުމަށް ނިންމާފައިވަނީ ހައުސިން މިނިސްޓްރީގެ ދަށަށެވެ.
އޯޕީޕީ އަކީ ރައީސް މުހައްމަދު ނަޝީދު އުފައްދެވި ކުންފުންޏެކެވެ.
ކިޔުންތެރިންގެ ހިޔާލު