ވަޒީފާ، ސިއްހީ، ތައުލީމީ ދާއިރާއަށް އިގްތިސާދުގެ ތެރެއިން ކުރިއެރުންގެންނަޖެހޭ: ރައީސް ޔާމިން

ވަޒީފާ، ސިއްހީ ދާއިރާއާއި، ތައުލީމީ ދާއިރާއަށް އިގްސާދުގެ ތެރެއިން ކުރިއެރުން ގެނައުމަށް ވިސްނަން ޖެހޭކަމަށް ރައީސުލް ޖުމްހޫރިއްޔާ އަބްދުﷲ ޔާމިން ވިދާޅުވެއްޖެއެވެ.

ވަޒީފާ، ސިއްހީ ދާއިރާއާއި، ތައުލީމީ ދާއިރާއަށް އިގްސާދުގެ ތެރެއިން ކުރިއެރުން ގެނައުމަށް ވިސްނަން ޖެހޭކަމަށް ރައީސުލް ޖުމްހޫރިއްޔާ އަބްދުﷲ ޔާމިން ވިދާޅުވެއްޖެއެވެ.ރައީސް ޔާމިން މިހެން ވިދާޅުވީ މޯލްޑިވިސް އިންލެޑް ރެވެނިއު އޮތޯރިޓީ (މީރާ) އަށް ހަތަރު އަހަރު ފުރުން ފާހަގަކުރުމަށް ރޭ ދަރުބާރުގޭގައ ބޭއްވި ހަފުލާގައި ވާހަކަ ދައްކަވަމުންނެވެ.

ރައީސް ޔާމިން ވިދާޅުވީ، ރާއްޖޭގައި ސަރުކާރުން ހިންގުމަށް ނިންމާފައިވާ ޕްރޮޖެކްޓުތައް ކާމިޔާބު ކުރުމަކީ މުހުންމުކަމެއް ކަމަށެވެ. އެގޮތުން އިންވެސްޓަރުންގެ ސަމާލުކަން ރާއްޖެއަށް އަނބުރާލެވިއްޖެނަމަ ރާއްޖޭގެ އިގްތިސާދަށް އައު ދޮރުތަކެއް ހުޅުވިގެން ދާނެކަމަށެވެ.

"ސަރުކާރުން މިހާރު ރާވާފައިވާ ބޮޑެތި ޕްރޮޖެކްޓައް ހަގީގަތަކަށް ވެއްޖެ ނަމަ ރާއްޖޭގެ އިގްތިސޯދު އާ އުދަރެހަކަށް ދާނެ. އޭރުން ޓެކްސް ދައްކާ ފަރާތްތަކާއި ދައްކާ ޓެކްސް ވެސް އިތުރުވާނެ،" ރައީސް ޔާމިން ވިދާޅުވިއެވެ.

ސަރުކާރުން މަޖިލީހަށް ހުށަހަޅާފައިވާ އިގްތިސާދީ ހާއްސަ ސަރަހައްދުތަކާ ބިލާއި ގުޅޭގޮތުން ރައީސް ވިދާޅުވީ، އެފަދަ ޒޯނުތަކެއް ހަދަނީ އިންވެސްޓަރުންގެ ސަމާލުކަން ރާއްޖެއާއިމެދު އިތުރުކުރުމަށް ކަމަށެވެ. އިންވެސްޓަރުން އިތުރުކުރެވިއްޖެނަމަ ރާއްޖެއަށް ޓެކްސް ދައްކާ ފަރާތައްވެސް އިތުރުވެގެން ދާނެކަމަށް ރައީސް ޔާމިން ވިދަޅުވިއެވެ.