އުމުރުން ދުވަސްވީ މީހެއްގެ ކޭޝްކާޑު ފޭރިގަތް މީހެއް ހޯދުމަށް ފުލުހުން އިއުލާނުކޮށްފި
11 އޯގަސްޓް 2014 14:35
އުމުރުން ދުވަސްވީ މީހާގެ އަތުން ކޭޝްކާޑު ފޭރިގަތްކަމަށް ފުލުހުން ތުހުމަތުކުރާ މީހާ: ފޮޓޯ -ޕޮލިސް
އުމުރުން ދުވަސްވީ މީހަކަށް އޮޅުވައިލައިގެން އޭނާގެ ކޭޝްކާޑު ފޭރިގަތް މީހަކު ހޯދުމަށް ފުލުހުން އިއުލާނުކޮށްފިއެވެ.
ފުލުހުން ބުނީ ފޮޓޯއިން ފެންނަ މީހަކީ، ބޭންކުން ކޭޝް ކާޑް ނަގައިގެން ދިޔަ ދުވަސްވީ މީހެއްގެ ފަހަތުން ގޮސް، ދުވަސްވީ މީހާއަށް ގޮވައި މަޑުކުރުވައި އޭނާގެ ކޭޝްކާޑު ފޭޜިގަނެފައިވާ މީހެކެވެ.
ފޮޓޯއިން ފެންނަ މީހާ އުމުރުން ދުވަސްވީ މީހާގާތުގައި އޭނާއަކީ ބޭންކްގެ މުވައްޒަފެއްކަމަށާއި އުމުރުން ދުވަސްވީ މީހާއަށް ދޫކުރެވިފައި އޮތީ އެހެން މީހެއްގެ ކާޑް ކަމަށްބުނެ އެ ކާޑް އަތުލުމަށް ފަހު ފިލައިވާކަމަށް ފުލުހުން ހާމަކުރެއެވެ. އެ ކާޑް ބޭނުންކޮށްގެން ބޮޑެތި ވިޔަފާރިތައްކޮށް އޭޓީއެމްތަކުން ފައިސާ ނަގާފައިވާކަމަށް ފުލުހުން ބުނެއެވެ.
ފޮޓޯއިން މިހާއާ ބެހޭ އެއްވެސް މަޢުލޫމާތެއް އެނގިލައްވާ ފަރާތެއްވަނަމަ ވީ އެންމެ އަވަހަކަށް މޯލްޑިވްސް ޕޮލިސް ސަރވިސްގެ ކްރިމިނަލް އިންވެސްޓީގޭޝަން ޑިޕާރޓްމަންޓްގެ ނަމްބަރު 9631696 ނުވަތަ މޯލްޑިވްސް ޕޮލިސް ސަރވިސްގެ ހޮޓްލައިން 3322111 އަށް ގުޅުއްވާ މަޢުލޫމާތު ހިއްސާ ކުރެއްވުން އެދޭކަމަށް ފުލުހުން ބުނެއެވެ.
ކިޔުންތެރިންގެ ހިޔާލު