ޝަކީލާއަށް ރުހުން ދޭން ނުފެންނަކަމަށް މަޖިލީހުން ނިންމައިފި
11 އޯގަސްޓް 2014 13:59
ކުރީގެ މިނިސްޓަރ އޮފް ލެތް އެންޑް ޖެންޑަރ މަރިޔަމް ޝަކީލާ: ފައިލް ފޮޓޯ
ހެލްތް މިނިސްޓަރު ޑރ. މަރިޔަމް ޝަކީލާއަށް ރުހުންދޭން ނުފެންނަކަމަށް ރައްޔިތުންގެ މަޖިލީހުން ނިންމައިފިއެވެ.
ހެލްތު މިނިސްޓަރު ޑރ. މަރިޔަމް ޝަކީލާ އަށް ރުހުން ނުދޭން ރައްޔިތުންގެ މަޖިލީހުން ފާސްކޮށްފިއެވެ.
ޝަކީލާއަށް ރުހުން ދޭން ފެނިވަޑައި ނުގަންނަވާކަމަށް 61 މެމްބަރަކު ވަނީ ވޯޓު ދެއްވައިފައެވެ. ރުހުން ދޭން ފެނިވަޑައިގަންނަވާ ކަމަށް ވޯޓު ދެއްވީ 11 މެމްބަރެކެވެ. އަދި އެއްވެސް ކޮޅަކަށް ވޯޓު ނުދެއްވާ އެއް މެމްބަރަކު އިންނެވިއެވެ. މިއަދުގެ ވޯޓުގައި72 މެމްބަރުން ބައިވެރިވެ ވަޑައިގެންނެވިއެވެ.
އެމްޑީޕީއާއި، ޕީޕީޢެމުން ވަނީ ޝަކީލާއަށް ރުހުން ދޭން ނުފެންނަކަމަށް ވޯޓުދީފައިއެވެ. އެހްނެ ނަމަވެސް ޖުމްހޫރީ ޕާޓީން ވޯޓު ދިނީ ޝަކީލާއަށް ރުހުން ދޭން ފެންނަކަމަށެވެ.
ޝަކީލާއަށް ރުހުން އޮތްތޯ ބެލުމަށް އަލުން ވޯޓު ނެގީ މިނިސްޓްރީ ތަކަށް ރައީސުލްޖުމްހޫރިއްޔާ އަބްދުﷲ ޔާމިން ގެންނެވި ބައްދަލަކާއި ގުޅިގެންނެވެ. އެކަމިކުފާނުވަނީ ހެލްތު އެންޑް ޖެންޑާ މިނިސްޓްރީ އުވާލައްވައި، ވަކި މިނިސްޓްރީއެެއްގެ ގޮތުގައި ހެލްތު މިނިސްޓްރީ ، ހަމަޖެއްސެވައިފައެވެ.
ކިޔުންތެރިންގެ ހިޔާލު