މާޒިން މަރާލިކަމުގެ ތުހުމަތުގައި ހަތަރު މީހަކު ހައްޔަރުކޮށްފި

ނ. މިލަދޫ، ދިއްގާމާގެ، މުހައްމަދު މާޒިން، 18، މަރާލިކަމުގެ ތުހުމަތުގައި ހަތަރު މީހަކު ހައްޔަރުކޮށްފިއެވެ.

މާޒިން މަރާލާފައިވަނީ، އަޑިޕާކު ސަރަހައްދުން މިމަހު 4 ވަނަ ދުވަހު ހިންގި މާރާމާރީއެއްގައިއެވެ. ޖުލައި މަހުގެ 28 ވަނަ ދުވަހުން ފެށިގެން މާލޭގައި ސިލްސިލާކޮށް އަންނަނީ މާރާމާރީ ހިންގަމުންނެވެ.

މި މައްސަލައިގައި ހައްޔަރުކޮށްފައިވަނީ މިމައްސަލާގައި ހައްޔަރުކޮށްފައިވަނީ ޢުމުރުން 19 އަހަރުގެ ތިން މީހަނާއި، 22 އަހަރުގެ މީހެއްކަމަށް ފުލުހުން ހާމަކުރެއެވެ. އެހެން ނަމަވެސް މައްސަލަަތައް ތަހުގީގުކޮށް ނިމުމުގެ ކުރިން ފުލުހުން ހައްޔަރުކުރާ މީހުންގެ މައުލޫމާތެއް އާންމެއްނުކުރެއެވެ. މިހެންކަމުން އެއިން އެއްވެސް މީހެއްގެ މައުލޫމާތެއް ފުލުހުން ހާމައެއް ނުކުރެއެވެ.

ފުލުހުން ބުނީ އެމީހުން ހައްޔަރު ކޮށްފައިވަނީ ކޯޓު އަމުރެއްގެ ދަށުންކަމަށެވެ. އަދި އެމީހުން 10 ދުވަހަށް ބަނދުގައި ބޭއްތިއްބުމަށް ކްރިމިނަލްކޯޓުން އަމުރުކޮށްފައިވާކަމަށް ފުލުހުންބުނެއެވެ.

މިދިޔަ މަހުން ފެށިގެން މާލޭގައި ތަފާތު ހަ މާރާމާރީއެއް ހިނގާފައިވާކަމަށް ފުލުހުން ހާމަކުރެއެވެ.