ފަލަސްތީނުގެ ސަފީރު ދިވެހިންނަށް ޝުކުރު އަދާކުރައްވައިފި
9 އޯގަސްޓް 2014 16:03
ފަލަސްތީނުން ރާއްޖެއަށާއި ސިރީލަންކާއަށް ކަނޑައަޅުވާފައި ހުންވާ ސަފީރު ދިވެހިންނަށް ޝުކުރު އަދާކުރައްވައިފިއެވެ.
ޑރ. އަންވަރު އަލް އާޣާ ޝުކުރު އަދާކުރައްވައި އާންމު ކުރެއްވި މެސެޖުގައި ވިދާޅުވީ، ދިވެހިންގެ ފަރާތުން ފަލަސްތީނަށް ވަމުން އަންނަ އެހީތެރިކަން އެގައުމުން އަބަދުވެސް ބަލައިގަންނަމުން އަންނަކަމަށެވެ. އަދި މިއަދު ޣައްޒާގެ ހަލަތާއިމެދު ދިވެހިން ހަމްދަރުދީވެ ފޯރުކޮށްދެމުން ގެންދާ އެހީތެރިކަން ފަލަސްތީނު ރައްޔިތުންގެ ހަނދާނުން ދުވަހަކުވެސް ފިލައިގެން ނުދާނެ ކަމެއްކަމަށް ވެސް އޭނާ ވިދާޅުވިއެވެ.
އިއްޔެއިން ފަށައިގެން ދިވެހި މީޑިއާތަކުން އިސްނައިގެން ކުރިއަށް ގެންދާ "ހެލްޕް ޣައްޒާ ޓެލެތޯން" ގައި މިހާތަނަށް 12 މިލިއަނަށްވުރެ ގިނަ ރުފިޔާ ލިބިފައިވާކަށް އެ ޓެލެތޯންގެ ސްޓިއަރިން ކޮމެޓީން ވަނީ ހާމަކުރައްވައިފައެވެ.
އިޒްރޭލުން ޣައްޒާގައި ހިންގާ އުދުވާނަށް އިއްޔެއަށް ވަނީ އެއްމަސްދުވަސް ހިނގައިފައެވެ. އެ ލާއިންސާނީ އުދުވާނުތަކުގައި ޣައްޒާގެ 1900 އަށްވުރެ ގިނަ މީހުން ވަނީ ޝަހީދުވެފައެވެ.
ކިޔުންތެރިންގެ ހިޔާލު