ޕީޕީއެމުން ޣައްޒާ ފަންޑަށް ފަސް ލައްކަ ރުފިޔާ ހަދިޔާކޮށްފި
9 އޯގަސްޓް 2014 15:27
ޕީޕީއެމުން ޣައްޒާފަންޑަށް ފައިސާ ހަދިޔާކުރުމަށް ބޭއްވި ހަފުލާގެ ތެރެއިން: ފޮޓޯ ޓުވިޓަރ
ޕްރޮގްރެސިވް ޕާޓީ އޮފް މޯލްޑިވިސް (ޕީޕީއެމް) އިން "ހެލްޕް ޣައްޒާ" ފަންޑަށް ފަސް ލައްކަ ރުފިޔާ ހަދިޔާ ކޮށްފިއެވެ.
އެ ޕާޓީގެ ފަރާތުން ފައިސާ ހަދިޔާ ކުރައްވާފައިވަނީ ޕީޕީއެމްގެ ރައީސް މައުމޫނު އަބްދުލްގައްޔޫމެވެ.
މިއަދު ޕީޕީއެމް އޮފީހުގައި ބޭއްވި ރަސްމިއްޔާތުގައި ރައީސް މައުމޫނު ވިދާޅުވީ "ދިވެހިންނަކީ އަބަދުވެސް އިސްލާމީ ކަންތައްތަކަށް ވަރަށް ބޮޑު އަހައްމިއްޔަތުކަމެއްދޭ ބައެއް. ގުދުސް ފަންޑުގެ ނަމުގައި ފަންޑެއް އުފައްދާ އެ ފައިސާ ވެސް ރާއްޖެއިން ވަނީ މީގެ ކުރިން ފަލަސްތީނަށް ހަދިޔާކޮށްފައި،" ކަމަށެވެ.
އިޒްރޭލުން ޣައްޒާގެ ކުޑަކުދިންނަށާއި، އެގައުމުގެ ރައްޔިތުންނަށް ދެމުން އަންނަ ހަމަލާތައް މައުމޫނު ކުށްވެރިކުރެއްވިއެވެ. އަދި ބައިނަލްއަގުވާމީ ދުނިޔޭގައި ދިވެހިރާއްޖެއިން ފަލަސްތީނު ދިފާއުކޮށް ވާހަކަ ދައްކާފައިވާކަން ވެސް އެމަނިކުފާނު ފާހަގަކުރެއްވިއެވެ.
ކިޔުންތެރިންގެ ހިޔާލު