ފަންސަޔާޅީސްހާސް ރުފިޔާގެ މަސްތުވާ ތަކެއްޗާ އެކު މީހަކު ހައްޔަރު ކޮށްފި
8 އޯގަސްޓް 2014 18:46
ޕޮލިސް ޑްރަގް އެންފޯސްމަންޓް ޑިޕާޓްމަންތުން މާލޭގައި ރޭ ހިންގި އޮޕަރޭޝަނެއްގައި ގިނައަދަދެއްގެ މަސްތުވާ ތަކެއްޗާއެކު 52 އަހަރުގެ މީހަކު ހައްޔަރުކޮށްފިއެވެ.
ފުލުހުންގެ މީޑިޔާއިން ހާމަކުރައްވާފައިވާ ގޮތުގައި އޭނާ ހައްޔަރު ކޮށްފައިވަނީ މާފަރު ގެސްޓް ހައުސްއިންނެވެ. ކޯޓު އަމުރެއްގެ ދަށުން އެގެސްޓް ހައުސް އަށް ވަދެ އޭނާ އެވަގުތު ހުރި ކޮޓަރި ބަލައިފާސް ކުރިކުރުމުން އެކޮޓަރީގައި ހުރި އެނދު ދަށުން މަސްތުވާ ތަކެތިކަމަށް ޝައްކުކުރެވޭ އެއްޗެއްހުރި ރަބަރު ގަނޑެއް ފެނިފައިވާ ފުލުހުން ހާމަކުރައްވާފައިވެއެވެ.
ފުލުހުންގެ ބެލުމުގެ ދަށަށް މިމީހާ ގެނެސްފައިވަނީ ފުލުހުންގެ ޑްރަގް އިންޓެލިޖެންސަށް ލިބުނު މަޢުލޫމާތަކާ ގުޅިގެން ހިންގި އޮޕަރޭޝަނުގައި ކަމަށް ފުލުހުން ބުނެއެވެ. އަތުލައިގަނެވުނު މަސްތުވާތަކެތީގެ މަގުމަތީ އަގު 45000 ރުފިޔާއަށް އަރާނެ ކަމަށްވެސް ފުލުހުން ބުނެއެވެ.
ކިޔުންތެރިންގެ ހިޔާލު