ރާއްޖޭގެ މީޑިއާތަކުން އިސްނަގައިގެން ބާއްވާ "ހެލްޕް ޣައްޒާ" ޓެލެތޯން ފަށައިފި

ހެލްޕް ޣައްޒާ ފަންޑަށް ލިބުނު ހަމިލިޔަނަށްވުހރެ ގިނަ ރުރިޔާއެކު، "ހެލްޕް ގާޒާ" ޓެލަތޯން މިއަދު މެންދުރު 2:30 ގައި ފަށައިފިއެވެ.

ޔަހޫދީ ސިފައިން ފަލަސްތީނުގެ އާންމުންނާ ދޮކޮޅަށް ހިންގި ލާއިންސާނީ ޖަރީމާގައި ހާލުގައި ޖެހިފައިވާ ފަލަސްތީނުގެ ފަރާތްތަކަށް އެހީތެރިވުމުގެ ގޮތުން މިއަދު މެންދުރު ފަހު 2:30 އިން ފެށިގެން 33 ގަޑިއިރާއި 30 މިނިޓަށް ކުރިއަށް ގެންދާ "ހެލްޕް ޣައްޒާ" ޓެލެތޯނަކީ ރާއްޖޭގެ މީޑިއާގެ ފަރާތްތަކުން އިސްނަގައިގެން ހިންގާ ހަރަކާތެކެވެ.

ފަންޑަށް އެހީތެރިވުމުގެ ގޮތުން ބޭންކް އޮފް މޯލްޑިވްސްގެ މޭޒެއް ޓީވީއެއްގައި ވަނީ ބަހައްޓައިފައެވެ. އެގޮތުން ފައިސާ ދައްކަން ބޭނުންވާ ފަރާތްތަކަށް ވަނީ އެ ފުރުސަތު ހުޅުވާލާފައެވެ. އަދި ބީއެމްއެލްގެ ޕީއޯއެސް މެޝިންތައް މެދުވެރިކޮށް ވަގުތުން ކާޑުން ފައިސާ ދެއްކޭ ގޮތަށް ވަނީ ހަމަޖައްސާފައެވެ. މީގެއިތުރުން "ހެލްޕު ގާޒާ" ފަންޑަށް ޗެކުން ފައިސާ ޖަމާކުރެވޭނެ ގޮތް ވެސް ބީއެމްއެލުން ޓީވީއެމްގައި ބަހައްޓާފައިވާ މޭޒުގައި ވަނީ ހަމަޖައްސާފައެވެ.

މިފަދަ ކަމެއް ދިވެހި މީޑީއާއިން އިސްނެގީ، މީޑީއާގެ ވަސީލަތްތައް ބޭނުންކޮށްގެން ވީހާވެސް ގިނަ ބަޔަކަަށް އިސްރާއީލުގެ އަނިޔާވެރި ލާއިންސާނީ އަމަލުތައް އަންގައިދީ އަދި މެދުވެރިއެއްގެ ބައި އަދާކުރުމަށް މަސައްކަތް ކުރެވިދާނެ އެއްފަރާތަކީ މީޑިއާ ކަމަށް ގަބޫލު ކުރެވޭތީ ކަމަށް "ހެލްޕް ގާޒާ" ޓެލެތޯން އިންތިޒާމްކުރާ ފަރާތްތަކުން ބުނެފައިވެއެވެ.

"ހެލްޕްގާޒާ"ގެ ނަމުގައި ކުރިއަށް ގެންދާ މި ޓެލެތޯންގެ ހޭޝް ޓެގެއްގެ ގޮތުގައި ބޭނުން ކުރާނީ، HelpGazaMv# އެެވެ. އަދި ޓެގްލައިނެއްގެ ގޮތުގައި ބޭނުންކުރާނީ "މަވެސް އެހީވާނަން"އެވެ.