ކުޅުދުއްފުށީ ރީޖަނަލް ހޮސްޕިޓަލުގެ ފެންނަވަރު ރަނަގަޅުކުރުމުގެ މަސައްކަތް ކުރިއަށްއެބަދޭ: ހެލްތު
7 އޯގަސްޓް 2014 9:10
ހެލްތް މިނިސްޓަރ ޑރ މަރިޔަމް ޝަކީލާ
ކުޅުދުއްފުށީ ރީޖަނަލް ހޮސްޕިޓަލުގެ ފެންވަރު ރަނގަޅު ކުރުމަށް މަސައްކަތް ކުރަމުން އަންނަކަމަށް މިނިސްޓްރީ އޮފް ހެލްތުން ބުނެފިއެވެ.
އިއްޔެ މެންދުރު ހދ އަތޮޅު ކައުންސިލުގެ މެމްބަރުންނާއު، ހެލްތް މިނިސްޓަރ ޑރ. މަރިޔަމް ޝަކީލާ ވަނީ ބައްދަލުކުރައްވައިފައެެވެ. އެ ބައްދަލުކުރެއްވުމުގައި، ކުޅުދުއްފުށީ ރީޖަނަލް ހޮސްޕިޓަލަށް ކުރިއަށް އޮތް 15 ދުވަހުގެ ތެރޭގައި އެތެރެހަށީގެ ޑޮކްޓަރެއް ހޯދައިދޭނެކަމަށް ހެލްތު މިނިސްޓަރު ވިދާޅުވިކަމަށް އެ ކައުންސިލްގެ ރައީސް އާދަމް ނަސީރު ވިދާޅުވިއެވެ. އެ ހޮސްޕިޓަލަށް އަލްޓްރާ ސައުންޑް ސްކޭނަރަކާއި، އަންހެނުންގެ ހާއްސަ ޑޮކްޓަރެއް ހޯދުމަށް ވެސް ނިންމާފައިވާކަމަށް ހެލްތު މިނިސްޓަރު ވިދާޅުވިކަމަށްވެސް އޭނާ ހާމަކުރެއްވިއެވެ.
"މި ކަންތައްތަކުގެ އިތުރުން ހޮސްޕިޓަލުގެ އިމާރާތުގެ ފެންވަރު ރަނަގަޅުކުރުމަށް މިއަންނަނީ މަސައްކަތް ކުރަމުން. ހަމައެގޮތަށް ކުޅުދުއްފުށީ ހޮސްޕިޓަލަކީ ޓާޝިއަރީ ހޮސްޕިޓަލަކަށް ހެދުމަށް ވެސް ސަރުކާރުން އަންނަނީ މަސައްކަތް ކުރަމުން. އެއީ ޕީޕީއެމްގެ މެނިފެސްޓޯގައި ވެސް ހިމަނާފައިވާކަމެއް،" ނަސީރު ވިދާޅުވިއެވެ.
ކިޔުންތެރިންގެ ހިޔާލު