އެސްޓީއޯއިން އިންތިޒާމު ކޮށްގެން "ދިވެހިން ޣައްޒާއާ އެކުގައި" ނަމުގައި އަތުގުޅާލުމެއް ބާއްވަނީ
5 އޯގަސްޓް 2014 14:44
އެސްޓީއޯއިން އިންތިޒާމުކޮށްގެން "ދިވެހިން ޣައްޒާއާ އެކުގައި" ނަމުގައި އަތުގުޅާލުމެއް ބާއްވަން ނިންމައިފިއެވެ.
އަންނަ ހޮނިހިރު ދުވަހު ހަވީރު ބާއްވާ "ހެލްޕް ޣަައްޒާ ޓެލެތޯން" ގައި އެސްޓީޢޯއިން އިންތިޒާމުކޮށްގެން އަތުގުޅައިލުމެއް ބާއްވަން ނިންމައިފިއެވެ.
އެ ޓެލެތޯނުގެ މީޑިއާ ކޯޑިނޭޓަރ ހިރިގާ އަހުމަދު ޒާހިރު "ދުވަސް" ނޫހަށް މައުލޫމާތު ދެމުން ވިދާޅުވީ މި އަތުގުޅައިލުން ބާއްވަން ހަމަޖައްސަވައިފައި ވަނީ ބޮޑުތަކުރުފާނު މަގުގައި ކަޅުތުއްކަލާ ކޮށްޓާއި ސްޓެލްކޯ އާ ދެމެދުގައެވެ. މި އަތުގުޅައިލުމުގައި ދައްކައިދޭނީ ދިވެހިން ތިބީ ޣައްޒާ އާ އެކުގައި ކަމަށާއި އަދި ޣައްޒާ އަށް ހިތްވަރު ދިނުމުގެ ގޮތުން ލިޔުންތައް ގެންގުޅޭނެ ކަމަށްވެސް ވިދާޅުވިއެވެ. މި އަތުގުޅައިލުމުގައި ވީހާވެސް ގިނަ މީހުން ބައިވެރިވުމަށް އޭނާ އެދިވަޑައިގެންނެވިއެވެ.
ހުސްވި ޖުލައިމަހުގެ 8 ވަނަ ދުވަހުން ފެށިގެން އިޒްރޭލުން އަންނަނީ ޣައްޒާގެ އާންމުން ދިރިއުޅޭ ސަރަހައްދުތަކާއި، ހޮސްޕިޓަލްތަކާއި، ސްކޫލްތައް ފަދަ ތަންތަނަށް ހަމަލާދީ ފަލަސްތީނުގެ ރައްޔިތުން ޝަހީދު ކުރަމުންނެވެ. އެ ހަމަލާތަކުގައި މިހާތަނަށް 1865 މީހުން މަރުވެފައިވެއެވެ. އޭގެ ތެރެއިން 80 އިންސައްތަ މީހުންނަކީ އާންމުންނެވެ.
ކިޔުންތެރިންގެ ހިޔާލު