ކުޅިވަރު އެކުވެނި އަޅާ ކޮންމެ ރަށެއްގައި ބަށިކޯޓެއް އަޅާނަން: ޔޫތް މިނިސްޓަރ
4 އޯގަސްޓް 2014 22:20
މިނިސްޓަރ އޮފް ޔޫތް އެންޑް ސްޕޯޓްސް މަލީހް ޖަމާލް އެސްޓީއޯ ބަށި މުބާރާތުގެ ކުޅުންތެރިންނާއި ސަލަމާމްކުރައްވަނީ: ފޮޓޯ އެސްޓީއޯ
ކުޅިވަރު އެކުވެނި އަޅާ ކޮންމެ ރަށެއްގައި ބަށި ކޯޓެއް އަޅާނެކަމަށް މިނިސްޓަރ އޮފް ޔޫތު އެންޑް ސްޕޯޓްސް މުހައްމަދު މަލީހް ޖަމާލް ވިދާޅުވެއްޖެއެވެ.
ޔޫތު މިނިސްޓަރ މިހެން ވިދާޅުވީ "އެސްޓީއޯ ހޯމް އިމްޕްރޫވްމަންޓް" ބަށި މުބާރާތުގައި މިއަދު ހަވީރު ހެންވޭރު ދަނޑުގައި ބޭއްވި ފައިނަލް މެޗް ފެއްޓެވުމުގެ ގޮތުން ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
"ރާއްޖޭގެ ކަންކޮޅުތަކުގައި ސަރުކާރުން އެޅުމަށް ނިންމާފައިވާ ކުޅިވަރު އެކުވެނިތަކުގައި ބަށި ކޯޓެއް އެޅޭނެ އިންތިޒާމުތައް އިރާދަކުރެއްވިއްޔާ ހަމަޖެހިގެންދާނެ. ރާއްޖޭގެ ކަންކޮޅުތަކުގައި ބާއްވާ ކުޅިވަރުތަކަށް ވީވަރަކުން ސަރުކާރުން ގެންދާނީ އެހީތެރިކަން ފޯރުކޮށްދެމުން. މި މުބާރާތުގައި ވެސް ބައިވެރިވި އަތޮޅުތަކުގެ ޓީމުތަކަށް ސަރުކާރުން ވާނީ އެކޮމަޑޭޝަން ހަމަޖައްސައިދީފައި،" މަލީހު ވިދާޅުވިއެވެ.
އެސްޓީއޯއިން މިފަދަ މުބާރާތައް އިންތިޒާމް ކޮށްގެން ބާއްވާތީ އެސްޓީއޯގެ މެނޭޖިން ޑިރެކްޓރ އާދަމް އާޒިމަށް މަލީހު ޝުކުރު އަދާކުރެއްވިއެވެ.
ކިޔުންތެރިންގެ ހިޔާލު