މާލޭގައި މިއަދު ހެނދުނު ވަޅިހަރައި ޒަހަމްކޮށްލި ޒުވާނާ މަރުވެއްޖެ
3 އޯގަސްޓް 2014 0:11
ފުުލުހުން މީހަކު ހައްޔަރުކުރަނީ: ފައިލް ފޮޓޯ ޕޮލިސް
މިއަދު ހެނދުނު މާލޭ އަޑި ޕާކުގައި ހިންގި މާރާމާރީއެއްގައި ވަޅިހަރައި ޒަހަމްކޮށްލި ޒުވާނަކަށް ފަރުވާދެމުން ދަނިކޮށް މަރުވެއްޖެއެވެ.
މިރޭ މަރުވެފައިވަނީ ނ. މިލަދޫ، ދިއްގާމާގެ، މުހައްމަދު މާޒިން، 18 އެވެ. އޭނާ މަރުވެފައިވަނީ އައިސީޔޫގައި ފަރުވާދެމުން ދަނިކޮށެވެ. އޭނާގެ ބުރަކަށީގެ ތިން ތަނަކަށް ވަޅި ހަރައި ޒަހަމްކޮށްލާފައިވެއެވެ.
މިއަދު ހެނދުނު ހިންގި މާރާމާރީގައި އިތުރު ޒުވާނަކުވެސް ޒަހަމްވެފައިވެއެވެ. އެއީ ހ. ޝައިބާން، އަލީ އާރިފް، 18 އެވެ. އޭނާގެ ހާލު ސީރިއަސް ނޫންކަމަށް މައުލޫމާތު ލިބެއެވެ.
ހުކުރު ދުވަހުގެ ރޭ ވެސް އަޑި ޕާކު ސަރަހައްދުގައި ޒުވާނަކަށް ހަމަލައިދީ ޒަހަމްކޮށްލާފައިވެއެވެ. ކ. ތުލުސްދޫގައި ބުރާސްފަތި ދުވަގެ ރޭ ހިންގި މާރާމާރީއެއްގައި ވެސް މީހަކު ވަނީ މަރުވެފައެވެ. ޖުލައި މަހުގެ 28 ވަނަ ދުވަހުން ފަށައިގެން ރާއްޖޭގެ އެކި ކަންކޮޅުތަކުގައި ހިނގާފައިވާ މާރާތީ ތަކާއި ގުޅިގެން 12 މީހަކު ވަނީ ފުލުހުންގެ ބެލުމުގެ ދަށަށް ގެނެސްފައެވެ. އޭގެ ތެރެއިން ތިން މީހެއްގެ ބަންދުގެ މުއްދަތު އިތުރުކޮށްދީފައިވާކަމަށް ފުލުުހުން ބުނެއެވެ.
ކިޔުންތެރިންގެ ހިޔާލު