އެސްޓީއޯގެ ނޫފަހި ބްރޭންޑުގެ އެމްބެސެޑަރަކަށް އަޝްފާގު ހަމަޖައްސައިފި
3 އޯގަސްޓް 2014 0:01
އެސްޓީއޯގެ ނޫފަހި ބްރޭންޑުގެ އެމްބެސެޑަރުކަން އަޝްފާގާއި ހަވާލުކުރުމަށް މިރޭ ބޭއްވި ހަފުލާގެތެރެއިން: ފޮޓޯ ދުވަސް
އެސްޓީއޯގެ ނޫފަހި ބްރޭންޑް އެމްބެސެޑަރަކަށް ރާއްޖޭގެ ގައުމީ ފުޓުބޯޅަ ޓީމުގެ ކެޕްޓަން ޢަލީ އަޝްފާގު މިރޭ ހަމަޖައްސައިފިއެވެ.
ނޫފަހި ބްރޭންޑް އެމްބެސެޑަރަކަށް އަޝްފާގު ހަމަޖައްސައިފައިވަނީ އެސްޓީއޯ ސްޕަމާރޓްގައި މިރޭ ބޭއްވި ޚާއްސަ ހަފްލާއެއްގައެވެ. އަޝްފާގު ވަނީ އެސްޓީއޯ ގެ ނޫފަހި ބްރޭންޑުގެ ހުރިހާ އުފެއްދުމެއް އިސްތިހާރު ކުރުމަށް 2 އަހަރުގެ އެއްބަސްވުމެއްގައި މިރޭ ސަޮއި ކޮށްފައެވެ.
އެއްބަސްވުމުގައި އެސްޓީއޯގެ ފަރާތުން ސޮއި ކުރެއްވީ އެކުންފުނީގެ މެނޭޖިން ޑިރެކްޓަރ އާދަމް އާޒިމެވެ.
އާޒިމް ވިދާޅުވީ އެމްބެސެޑަރަކު ހަމަޖެއްސުމުގައި ބޮޑަށް ބެއްލެވީ އެމަޤާމަށް ޤައުމީ ބަތަލަކު ހޯއްދެވުމަށް ކަމަށެވެ. އެގޮތުން އަޝްފާޤަކީ ހުރިހާ އުމުރެއްގެ މީހުންގެ ލޯބި ލިބިފައިވާ "ދިވެހި ޕްރޮޑަކްޓެއް" ކަމަށް އޭނާ ވިދާޅުވިއެވެ.
އެސްޓީއޯ ނޫފަހި ބްރޭންޑަކީ އެކުންފުނިން އަލަށް ބާޒާރަށް ނެރެ ވިއްކަމުންދާ އަމިއްލަ ބްރޭންޑެކެވެ. މިގޮތުން ނޫފަހި ހިކި ކިރު، ކާށި ކިރު، ގެރި ކިރު، ދޮންނަކުނޑި އަދި ކައްކާ ތެޔޮވެސް ވަނީ ނެރެ ވިއްކަން ފަށައިފައެވެ.
ކިޔުންތެރިންގެ ހިޔާލު