އައްޑޫއަށް ވައިގެ މަގުން މަސްތުވާތަކެތި އެތެރެކުރަން އުޅުނު މީހެއްގެ ބަންދުގެ މުއްދަތު އިތުރުކޮށްފި

އައްޑުއަށް ނުވަ ލައްކަ ރުފިޔާގެ މަސްތުވާތަކެތި އެތެރެކުރަން މަސައްކަތްކުރި 23 އަހަރުގެ ފިރިހެނެއްގެ ބަންދުގެ މުއްދަތު އައްޑޫ ސިޓީއ ހިތަދޫ މެޖިސްޓްރޭޓް ކޯޓުން އިތުރުކޮށްފިއެވެ.

އެ ކޯޓުން ވަނީ އޭނާގެ ބަންދުގެ މުއްދަތު އިތުރު 15 ދުވަހަށް އިތުރުކޮށްފައެެވެ. މިއީ އޭނާގެ ބަންދުގެ މުއްދަތު އިތުރުކުރި ދެވަނަ ފަހަރެވެ. މީގެ ކުރިން ވެސް އޭނާގެ ބަންދުގެ މުއްދަތަށް ވަނީ 15 ދުވަސް ޖަހައިފައިވެއެވެ. އެއީ ޖުލައި މަހުގެ 17 ވަނަ ދުވަހުއެވެ. 

އޭނާ އަތުލައި ގަނެފައިވަނީ  އައްޑޫ ސިޓީ ފުލުހުން ހިންގި އޮޕަރޭޝަނެއްގައި މިދިޔަ މަހުގެ 16 ވަނަ ދުވަހުއެވެ. އޭނާ ހައްޔަރުކޮށްފައިވަނީ އެ ދުވަހުގެ 12:30 ހާއިރު އެވެ. އޭނާ މަސްތުވާތުވާތަކެތި އެތެރެ ކޮށްފައިވަނީ ދެ ފައިގެ ދެ ފަލަމަސްގަނޑުގައި މަސްތުވާތަކެއްޗާއެކު ޓޭޕް އަޅައިގެންނެވެ.