ފުޓުބޯޅަ ޓީމެއް ގޮވައިގެން ދިޔަ ދޯންޏެއް ކުނަހަންދޫ ފަރަށް އަރައިފި
1 އޯގަސްޓް 2014 19:44
މާލެ ކައިރީގައި އޮންނަ ފުނަދޫ ފަރަށް ދޯންޏެއް އަރާފައި
ފުޓުބޯޅަ ޓީމެއް ގޮވައިގެން ދިޔަ ހައްދުންމަތީ މައިބައިދޫ ދޯންޏެއް އެއަތޮޅު ކުނަހަންދޫ ފަރަށް އަރައިފިއެވެ.
ފަރަށް އަރާފައިވަނީ "ލޮންސި" ނަކަމަށް ކިޔާ ދޯންޏެކެވެ. އެ ދޯނި ފަރަށް އަރާފައިވަނީ ކުނަހަންދޫގައި އޮތް ފުޓު ބޯޅާ މުބާރާތެއް ނިންމާލުމަށްފަހު އެރަށުން ފުރައިގެން މައިބައިދޫއަށް ދާން ފަޅުން ނުކުންނަން އުޅުމުގެ ތެރޭގައިއެެވެ. މި ހާދިސާ ހިނގާފައިވަނީ މިއަދު ހަވީރު 18:00 ހާއިރު ކަމަށް އެ ދޯނީގައި ހުރި މީހަކު "ދުވަސް" ނޫހަށް މައުލޫމާތު ދެމުން ބުންޏެވެ.
ހާދިސާ ހިނގި ވަގުތު އެ ދޯނީގައި ފުޓު ބޯޅަ ޓީމުގެ ކުޅުންތެރިންނާއި ސަޕޯޓަރުންވެސް ތިއްބެވެ. ދޯނީގައި ތިބީ ކިހާ މީހުންނެއްކަމެއް އަދި ސާފެއްނުވެއެވެ. އެއްވެސް މީހަކަށް ގެއްލުން ނުވާކަން އެ ދޯނިން "ދުވަހާއި" ވާހަކަދެއްކި މީހާ ކަށަވަރުކޮށްދިނެެވެ.
ފަރަށްއެރި ދޯނީގައި ތިބި މީހުން ސަލާމަތް ކުރުމުގެ މަސައްކަތް ކުނަހަންދޫ މީހުން ދަނީ ކުރަމުންނެވެ.
ކިޔުންތެރިންގެ ހިޔާލު