ތުލުސްދޫގައި ދިރިއުޅޭ ކިނބިދޫ މީހަކު މަރާލިކަމުގެ ތުހުމަތުގައި މީހަކު ހައްޔަރުކޮށްފި

މާލެ އަތޮޅު ތުލުސްދޫގައި ދިރިއުޅޭ ކޮޅުމަޑުލު ކިނބިދޫ މީހަކު މަރާލިކަމުގެ ތުހުމަތުގައި މީހަކު ހައްޔަރުކޮށްފިއެވެ.

މި މައްސަލައިގައި ހައްޔަރު ކޮށްފައިވަނީ އެ ރަށުގައި ދިރިއުޅޭ މުހައްމަދު ނިޔާޒް، 30 އެވެ. އެނާ އަކީ މާލޭ މީހެއް ކަމަށް މައުލޫމާތު ލިބެއެވެ. ފުލުހުން ބުނެފައިވަނީ އެ މައްސަލައިގައި މީހަކު ހައްޔަރު ކޮށްފައިވާކަމަށެވެ. އެހެން ނަމަވެސް މައްސަލަ ތަހުގީގުކޮށް ނުނިމެނީސް ހައްޔަރު ކުރާ މީހުންގެ މައުލޫމާތު ފުލުހުން އާންމެއް ނުކުރެއެވެ. 

ރޭ އިރާކޮޅު ތުސުލްދޫގައި މަރާލާފައިވަނީ ތ. ކިނބިދޫ އަލީ ޝިމާހް، 35 އެވެ. އޭނާ އަކީ ތުލުސްދޫ، ދުއްފަޅުގޭ މީހަކާ އިނދެގެން އުޅޭމީހެއް ކަމަށް މައުލޫމާތުލިބެއެވެ. އެ ހާދިސާގައި ޝިއާމުގެ މެއަށް ވަނީ ތޫނު އެއްޗަކުން ހަމަލާދީފައިއެވެ. އޭނާ މަރުވެފައިވަނީ ޒަހަމްތަކަށް ފަރުވާދެމުން ދަނިކޮށް ތުލުސްދޫ ސިއްހީ މަރުކަޒުގައިއެވެ.  

ރޭ މާލޭގައި ވެސް ވަނީ މާރާމާރީއެއް ހިނގައި ޒުވާނެއްގެ ކަރަށް ތޫނުއެއްޗަކުން ހަމަލާދީފައެވެ. އެ ހަމަލާގައި ޒަހަމްވެފައިވަނީ ގދ. ރަތަފަންދޫ، ގުލްޝަންގޭ، އައްޒާމް ހަސަން، 22 އެވެ. އޭނާއަށް ހަމަލާދީފައިވަނީ އަމީނިއްޔާ ސްކޫލު ކުރިމަތީގައި އޮންނަ "ސްކޫޕް ގޯޅިގަނޑުގައި" ސާކަލެއްގެ މަތީގައި އިށީގެ އިންދައި ސައިކަލެއްގެ އައި ދެ މީހުންނެވެ. އޭނާގެ ހާލު މިހާރު ރަނގަޅުކަމަށް މައުލޫމާތު ލިބެއެވެ. އެ މައްސަލައާއި ގުޅިގެން ފުލުހުން އަދި މީހަކު ހައްޔަރެއް ނުކުރެއެވެ.