މާލޭގައި މީހެއްގެ ކަރަށް ވަޅިހަރައި ޒަހަމްކޮށްލައިފި

ރޭ މާލޭގައި ހިންގި މާރާމާރީއެއްގައި އަމީނިއްޔާ ސުކޫލު ރިމަތީގައި އޮންނަ ސްކޫޕް ގޯޅި ތެރޭގައި ސައިކަލެއްގެ މަތީގައި އިން ޒުވާނެއްގެ ކަރަށް ވަޅިހަރައި ޒަހަމްކޮށްލައިފިއެވެ.

މި ހަމަލާގައި ޒަހަމްކޮށްލާފައިވަނީ ގދ. ރަތަފަންދޫ، ގުލްޝަންގޭ، އައްޒާމް ހަސަން، 22 އެވެ. އޭނާގެ ހާލަތު ސީރިއަސް ކަމަށް އައިޖީއެމް ހޮސްޕިޓަލުން ބުނެއެވެ. 

ފުލުހުން ބުނީ އޭނާގެ ކަރަށް ވަޅިހަރައި ޒަހަމް ކޮށްލާފައިވަނީ ސައިކަލެއްގައި ދިޔަ ދެ މީހުން ކަމަށެވެ.

މާލެ އަތޮޅު ތުލުސްދޫގައި ވެސް ރޭ ވަނީ މީހެއްގެ ގަޔަށް ވަޅިހަރައި މަރާލައިފައެވެ.  

މިދިޔަ ބުދަ ދުވަހުގެ ރޭ ވެސް މާލޭއާއި ހުޅުމާލޭގައި މާރާ މާރީތަކެއް ހިނގާފައިވެއެވެ. އެ ރޭ ހުޅުމާލެ 60 ނަމްބަރު ފްލެޓް ކައިރީގައި ހިންގިމާރާމާރީއެއްގައި 2 ފިރިހެނަކު ވަނީ ޒަޚަމް ކޮށްލާފައި ކަމަށްވެސްފުލުހުން ވަނީ ހާމަކުރައްވާފައެވެ. އެ ދެ މީހުންގެ ތެރެއިން އެކެއްގެ ބޯފަޅައިގެން ގޮސްފައިވެއެވެ .އަދި އަނެއް މީހާގެ ކޮނޑަށް ތޫނު އެއްޗަކުން ހަމަލާދީ ޒަޚަމްކޮށްލާފައިކަމަށްވެސް ފުލުހުންވަނީ ހާމަކުރައްވާފައެވެ.  އެ ރޭ އިރާކޮޅު މާފަންނު ލެމަންގްރާސް ކައިރީގައި ހިންގިމާރާމާރީގައިވަނީ މީހެއްގެ ބޮލުގެ ފުށްކިބަ ޒަޚަމް ކޮށްލައިފައެވެ. އޭނާ ޒަޚަމް ކޮށްލާފައިވަނީ އޭނާގެ އަތުގައި އޮތް ފޯނެއް ދޭށޭ ބުނުމުން ނުދީ ދާންފެށުމުން ފަހަތުން އައި ގްރޫޕަކުންނެވެ. އެރޭ މާލޭގައި ހިންގި ދެންވަނަ މާރާމާރީ ހިންގާފައިވަނީ 8.00 އެހައިކަންހާއިރު ހެންވޭރު ހުސްނުހީނާމަގާއި ކަޅުހުރާމަގު ގުޅުނުކަންމަތީގައެވެ. މާރާމާރީގައި އަންހެނަކު ވަނީ ޒަޚަމް ކޮށްލައިފައިއެވެ. އޭނާއަށް ހަމަލާދީފައިވަނީ މޫނު ނިވައިކޮށްގެންތިބި ބައެކެވެ.