ރަައީސުލްޖުމްހޫރިއްޔާގެ ދެ ކަނބަލުން ސިންގަޕޫރަށް ފުރައި ވަޑައިގެންފި
30 ޖުލައި 2014 13:43
ފިތުރު އީދު ދުވަހު ބޭއްވި ކުޑަކުދިން ހަވީރުގައި ބައިވެރިވެ ވަޑައިގަތުމަށްފަހު ރައީސުލް ޖުމްހޫރިއްޔާގެ ދެ ކަންބަލުން ވަޑައިގަންނަވަނީ: ފޮޓޯ ރައީސް އޮފީސް
ރައީސުލްޖުމްހޫރިއްޔާ ޢަބްދުﷲ ޔާމީން ޢަބްދުލްޤައްޔޫމާއި އެމަނިކުފާނުގެ އަނބިކަނބަލުން ފާޠިމަތު އިބްރާހީމް، ސިންގަޕޫރަށް ކުރައްވާ ދަތުރުފުޅެއްގައި ރޭ ފުރާވަޑައިގެންފި ކަމަށް ރައީސް އޮފީހުން ހާމަކޮށްފިއެވެ.
ރައީސުލްޖުމްހޫރިއްޔާގެ ދެކަނބަލުންގެ މި ދަތުރުފުޅަކީ، ނުރަސްމީ ދަތުރުފުޅެއްކަމަށް އެ އޮފީހުން ހަމަކުރެއެވެ. އަދި އެދަތުރު ފުޅާއި ގުޅޭ އިތުރު ތަފްސީލެއް ރައީސް އޮފީހު ހާމައެއް ނުކުރެއެވެ.
ރައީސްގެ ދެ ކަނބަލުން ސިންގަޕޫރަށް ވަޑައިގެންނެވުމުގެ ކުރިން ތަފާތު ހަފުލާތަކެއްގައި ބައިވެރިވެ ވަޑައިގެންފައިވެއެވެ. އޭގެ ތެރޭގައި މިނިވަން ދުވަހުގެ ރަސްމިއްޔާތުގައި މިމަހު 26 ވަނަ ދުވަހު ޖުމްހޫރީ މައިދާނުގައި ބޭއްވި ރަސްމިއްޔާތު ހިމެނެއެވެ. އަދި ފިތުރު އީދު ސަލާމް ކުރުމަށް އީދު ދުވަހު ސަލްޓަން ޕާކުގައި ބޭއްވި ރަސްމިއްޔާތާއި، އެދުވަހު ހަވީރު ރައީސް އޮފީހުން އިންތިޒާމް ކޮށްގެން ބޭއްވި ކުޑަކުދިންގެ ހަވީރު ފާހަގަކޮށްލެވެއެވެ.
ކިޔުންތެރިންގެ ހިޔާލު