މާލެއާއި ހުޅުލެއިން މިރޭ 4 މީހުން ޒަޚަމް ކޮށްލައިފި
29 ޖުލައި 2014 22:12
މީގެ ކުރިން ހިންގި މާރާމާރީއެއްގައި ފުލުހުން އަތުލައިގެންފައިވާ ހަތިޔާރުތަކެއް - ޕޮލިސް ފައިލް ފޮޓޯ
މާލެއާއިހުޅުމާލޭގައި މިރޭ ހިންގި ތިން މަރާމާރީއެއްގައި 4 މީހުން ޒަޚަމްކޮށްލައިފި ކަމަށްފުލުހުން ހާމަކުރައްވައިފިއެވެ.
ފުލުހުންހާމަކުރައްވާފައިވަނީ ތިން މާރާމާރީގެ ތެރެއިން ދެ މާރާމާރީ ހިންގާފައިވަނީމާލޭގައެވެ. މިރޭ 1940 އެހައިކަންހާއިރު ލެމަންގްރާސް ކައިރީގައި ހިންގިމާރާމާރީގައިވަނީ މީހެއްގެ މީހެއްގެ ބޮލުގެ ފުށްކިބަ ޒަޚަމް ކޮށްލައިފައެވެ.އޭނާ ޒަޚަމް ކޮށްލާފައިވަނީ އޭނާގެ އަތުގައި އޮތް ފޯނެއް ދޭށޭ ބުނުމުން ނުދީ ދާންފެށުމުން ފަހަތުން އައި ގްރޫޕަކުންނެވެ. އޭޑީކޭ ހޮސްޕިޓަލުގައި އެމީހާއަށް ފަރުވާދެމުން ގެންދާ ކަމަށް ފުލުހުންވަނީ ހާމަކުރައްވާފައެވެ.
މީގެއިތުރަށް މިރޭ 8.00 އެހައިކަންހާއިރު ހެންވޭރު ހުސްނުހީނާމަގާއި ކަޅުހުރާމަގު ގުޅުނުކަންމަތީގައި ހިންގި މާރާމާރީގައި އަންހެނަކު ވަނީ ޒަޚަމް ކޮށްލައިފައެވެ.އޭނާއަށް ހަމަލާދީފައިވަނީ މޫނު ނިވައިކޮށްގެންތިބި ބައެއްކަމަށްވެސް ފުލުހުން ވަނީ ހާމަކުރައްވާފައެވެ.
ސައިކަލެއްގައިއައި ދެ މީހަކު އެ ސަރަހައްދުގައި ހުރި އަންހެން މީހާގެ ބުރަކަށްޓަށްހަމަލާދީފައިވަނީ ތޫނު އެއްޗަކުން ކަމަށްވެސް ފުލުހުން ހާމަކުރައްވާފައިވެއެވެ. އޭނާއަށްވެސްއޭޑީކޭ ހޮސްޕިޓަލުގައި ދަނީ ފަރުވާދެމުން ކަމަށް ފުލުހުން ވަނީހާމަކުރައްވާފައެވެ.
އޭގެއިތުރުން، މިރޭ 1945 ހާއިރު ހުޅުމާލެ 60 ނަމްބަރު ފްލެޓް ކައިރީގައި ހިންގިމާރާމާރީއެއްގައި 2 ފިރިހެނަކު ވަނީ ޒަޚަމް ކޮށްލާފައި ކަމަށްވެސްފުލުހުން ވަނީ ހާމަކުރައްވާފައެވެ. އެ ދެ މީހުންގެ ތެރެއިން އެކެއްގެ ބޯފަޅައިގެން ގޮސްފައިވެއެވެ.އަދި އަނެއް މީހާގެ ކޮނޑަށް ތޫނު އެއްޗަކުން ހަމަލާދީ ވަނީ ޒަޚަމްކޮށްލާފައިކަމަށްވެސް ފުލުހުންވަނީ ހާމަކުރައްވާފައެވެ. ދެމީހުންނަށްވެސް ހުޅުމާލެ ހޮސްޕިޓަލުގައިދަނީ ފަރުވާދެމުންކަމަށްވެސް ފުލުހުން ހާމަކުރައްވާފައިވެއެވެ.
މިތިން މައްސަލައާ ގުޅިގެން އެއްވެސް މީހަކު މިހާތަނަށް ފުލުހުންގެ ބެލުމުގެ ދަށަށްގެނެސްފައެއް ނުވެއެވެ. މި މައްސަލަތައް މޯލްޑިވްސް ޕޮލިސް ސަރވިސްއިން ދަނީ ތަހުގީގުކުރަމުން ކަމަށްވެސް ފުލުހުން ހާމަކުރައްވާފައިވެއެވެ.
ކިޔުންތެރިންގެ ހިޔާލު