ގަމު ތުނޑީ އަވަށުގެ ބައެއް ހިސާބުތަކުން ކަރަންޓް ކެނޑުމުން މުޒާހަރާ ކުރަން ފަށައިފި

ހައްދުންމަތީ ގަމު ތުނޑީ އަވަށުގެ ބައެއްހިސާބްތަކުން ކަރަންޓް ކަނޑައިގެން ދިޔުމުން ރައްޔިތުން ނުކުމެ މުޒާހަރާ ކުރަންފަށައިފިއެވެ.

އެއަވަށުން ކަރަންޓް ކެނޑިފައިވަނީ މިއަދުހެނދުނު ކަމަށް އެރަން ވާހަކަ ދެއްކި މީހަކު ބުންޏެވެ. ނަމަވެސް މުޒާހަރާ ކުރަންފަށައިފައިވަނީ މިރޭ 7.00 އެހައިކަންހާއިރު ކަމަށް އެރަށުން މައުލޫމާތު ދިން މީހާބުންޏެވެ.

މުޒާހަރާ ކުރަމުންދަނީ އެރަށުގެ "ގެރިގުއިގުދަން" ކައިރީގައެވެ. މުޒާހަރާ ހިނގަމުންދާ އިރު ފުލުހުންވެސްއެސަރަހައްދުގައި ދަނީ ހަރަކާތްތެރިވަމުންނެވެ. ނަމަވެސް މުޒާހަރާގެބައެއްވެރިންވަނީ ފުލުހުންގެ ސަފުތައް ފޫއަޅުވައިލައި ކުރިއަށް ޖެހިލައިފައެވެ.މުޒަހަރާގައި މިހާރު ހުރި މީހަކު ބުނީ މުޒާހަރާ އިތުރަށްދަނީ "ހޫނު"ވަމުންނެވެ. މުޒާހަރާގައި މިވަގުތު ގާތްގަނޑަކަށް 100 އަށްވުރެ ގިނަމީހުން ދަނީބައިވެރިވަމުންނެވެ.

މަޢުލޫމާތު ލިބިފައިވާގޮތުގައި މުޒާހަރާކުރަންޖެހެނީ ކަރަންޓް ނުލިބި ހުރިގެތަކުގެ އަންހެންވެރިން ނުކުމެ ކަރަންޓް ލިބެމުންދިޔަގެތަކަށް ކަރަންޓް ދެމުންދިޔަ ކޭބަލަށް ދަމައި، ކޭބަލް ކަރަންޓް ފޮށީގެ މައުންޓުންއުފުރާލުމުންނެވެ. އެހިސާބުން ކަރަންޓް ލިބެމުންދިޔަ ގޭގެ މީހުން ހިތްހަމަނުޖެހިގެން މުޒާހަރާ ކުރަމުންދަނީ ކޭބަލް އުފުރާލި މީހުންނާ ދެކޮޅަށެވެ.

ކަރަންޓް ކޭބަލް އުފުރާލުމުގެ ކުރިން ބައެއްމީހުން މިއަދުވަނީ އިންޖީނުގޭ ކައިރިއަށް އެއްވެ ނުރުހުން ފާޅުކޮށްފައެވެ."ކޭބަލް އުފުރާލައި ގިނައިރެއް ނުވަނީސް ކުރިން ކަރަން ނުލިބޭ ގެތަކަށްކަރަންޓް ލިބެންފެށި. އެއީ އިންޖީނަށް ދިމާވި މައްސަލައާއި، ކޭބަލް އުފުރާލިވަގުތު ގާތްގަނޑަކަށް ދިމާވީ. ނަމަވެސް އޭރު ކުރިން ކަރަންޓް ލިބުނު ގޭގެއިން ވަނީކަރަންޓް ކެނޑިފައި. އެހިސާބުން އެމީހުން ރުޅިއަރައިގެން ނިކުތީ." އެރަށުންވާހަކަ ދެއްކި މީހާ ބުންޏެވެ.

މިކަމާ ގުޅިގެން ގަމު ކައުންސިލްގެ މެންބަރުޢަބްދުﷲ ނާފިޒު ވިދާޅުވީ މިމައްސަލަ ހައްލު ކުރުމަށް މަސައްކަތް ކުރައްވަމުންގެންދަވާ ކަމަށެެވެ.