ގިނައަދަދެއްގެ މަސްތުވާތަކެއްޗާއެކު ހދ. ހަނިމާދޫން މީހަކު ހައްޔަރުކޮށްފި

މަސްތުވާތަކެތި އަޅާފައި ހުރި ބުލެޓު ސައިޒުގެ 12 ރަބަރު ޕެކެޓާއެކު ހދ. ހަނިމާދޫން މީހަކު ހައްޔަރުކޮށްފިއެވެ.

 މޯލްޑިވިސް ޕޮލިސް ސާވިސް އިން ބުނީ މި މައްސަލައިގައި ހައްޔަރު ކޮށްފައިވަނީ 32 އަހަރުގެ ފިރިހެނެއް ކަމަށެވެ. ނަމަވެސް އޭނާގެ އިތުރު ތަފްސީލެއް ފުލުހުން ހާމައެއް ނުކުރެއެވެ. ފުލުހުން ބުނީ މިދިޔަ ބުރާސްފަތި ދުވަހުގެ ރޭ އެ އެމީހާ ހައްޔަރު ކޮށްފައިވަނީ ކޯޓު އަމުރެއްގެ ދަށުންކަމަށެވެ. އޭނާގެ ބަންދުގެ މުއްދަތަށް ހަތް ދުވަސް ކޯޓުން އިތުރުކޮށްފީފައިވާކަމަށް ފުލުހުން ބުނެއެވެ. މަސްތުވާތަކެތި ފޮރުވާފައިވަނީ ދަޅަކަށް އަޅައި، ފޮށިގަނޑެއްގެ ތެރޭގައެވެ. 

މަސްތުވާތަކެތި ކަމަށް ޝައްކު ކުރެވޭ އެއްޗެއް އަޅާފައި ހުރި ދެ ރަބަރު ޕެކެޓާއެކު އައްޑޫ ސިޓީ، ހިތަދޫއިން ވެސް މިދިޔަ ބުދަ ދުވަހު މީހަކު ހައްޔަރު ކޮށްފައިވާކަމަށް ފުލުހުން ބުނެއެވެ. ފުލުހުން ހާމަކުރި ގޮތުގައި އެ މައްސަލައިގައި ހައްޔަރު ކޮށްފައިވަނީ އުމުރުން 23 އަހަރުގެ ފިރިހެނެކެވެ. ނަމަވެސް އެމީހާއި ގުޅޭ އިތުރު މައުލޫމާތެއް ހާމައެއް ނުކުރެއެވެ.