މާލޭގައި ދިދަ ދުވަހެއް ފާހަގަ ކުރަނީ
26 ޖުލައި 2014 13:55
ގައުމީ ފުޓުބޯޅަ ޓީމުގެ ސަޕޯޓަރުންތަކެއް ދިވެހި ގައުމީ ދިދަ ހިފައިގެން
މިނިވަން ދުވަހުގެ މުނާސަބަތުގައި މާލޭގެ ހަ ސަރަހައްދެއްގައި މިއަދު ހަވީރު ގައުމީ ދިދަ ބަހަން ނިންމާފައިވާކަމަށް ހޯމް މިނިސްޓްރީން ބުނެފިއެވެ.
ހޯމް މިިނިސްޓްރީން ދިދަ ބަހަމުން ގެންދާނެ ސަރަހައްދުތަކަކީ ބޮޑުތަކުރުފާނުމަގުގެ މާލޭޖަލު ހުންނަ ސަރަހައްދު، އުސްފަސްގަޑު ސަރަހައްދު، އާޓިފިޝަލް ބީޗް ސަރަހައްދު، 1 ނަންބަރު ފާލަން ސަރަހައްދު، ކަސްޓަމް ބިލްޑިން ސަރަހައްދު، އިންޖީލުލީތަކެތި ދުއްވަން ދަސްކުރުމުގެ ޓެސްޓް ހަދާ ސަރަހައްދުކަމަށް އެ މިނިސްޓްރީން ބުނެއެވެ.
ހޯމް މިނިސްޓްރީގެ އިތުރުން އެސް.ޓީ.އޯ، ސްޓެލްކޯ، އެމް.ޓީ.ސީ.ސީ، ބީ.އެމް.އެލް އަދި ދިރާގުންވެސް މާލޭގެ އެކި ސަރަހައްދުތަކުގައި ދިދަ ބަހަމުން ގެންދާނެކަމަށް އެ މިނިސްޓްރީން ބުނެއެވެ. ދިދައިގެ ދުވަހެއް ފާހަގަ ކުރުމުގެ ބޭނުމަކީ ދިވެހިންގެ ހިތްތަކުގައި ޤައުމީ ރޫހް އާލާކުރުމާއި މިނިވަން ކަމުގެ އުފާ ލިބިގަތުމަށް ކަމަށް އެ މިނިސްޓްރީންބުނެއެވެ.
ކިޔުންތެރިންގެ ހިޔާލު