ފޯނަކާއި ޓެބްލެޓެއް ވަގަށްނެގި މީހަކު ފިލަން ދުވަނިކޮށް އަތުލައިގެންފި
19 ޖުލައި 2014 16:46
ފޯނަކާއި ޓެބްލެޓެއް ވަގަށް ނަގައިގެން ފިލަން ދުވުނު މީހަކު ފުލުހުންގެ ބެލުމުގެ ދަށަށް ގެންގޮސްފި ކަމަށް ފުލުހުން ހާމަކުރައްވައިފިއެވެ.
ފުލުހުންގެ ބެލުމުގެ ދަށަށް އެމީހާ ގެންގޮސްފައިވަނީ ޝަމީމީހިނގުމުން ދުވެފައިދަނިކޮށްނެވެ.
އޭނާ ދުވެފައި އަންނާތީ މާފަންނު ޕޮލިސް ސްޓޭޝަނުގެ ފުލުހުން އޭނާ ހުއްޓުވިއެވެ. އޭނާ އެދުވަނީ ވައްކަންކޮށްގެން ކަމުގެ މައުލޫމާތު ދިނީ އޭނާގެ ފަހަތުން އެވަގުތު ދުވެފައި އައި އެހެން ފުލުހެއް ކަމަށްވެސް ފުލުހުން ހާމަކުރައްވާފައިވެއެެވެ. މިކަން ހިނގާފައިވަނީ ރޭ ފަތިހުއެވެ.
އޭނާ އަތުން ފޯނަކާއި ޓެބްލެޓެއް ފެނިފައިވަނީ ބަލައި ފާސްކުރި ވަގުތުގައެވެ. ވައްކަމުގެ މި މައްސަލަ ފުލުހުންގެ ކްރިމިނަލް އިންވެސްޓިގޭޝަން ޑިޕާރޓްމަންޓުން ދަނީ ތަޙުޤީޤު ކުރަމުންނެވެ.
މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވަނީ 24 އަހަރުގެ ދިވެހި ފިރިހެނެކެވެ.
ކިޔުންތެރިންގެ ހިޔާލު