މެކްސްކޮމް ޓެކްނޮލޮޖީގެ އޮފީހުން ވައްކަންކުރި މީހަކު ހޯދަން ފަށައިފި

މެކްސްކޮމް ޓެކްނޮލޮޖީގެ އޮފީހުން ވައްކަންކުރި ބަންގްލަދޭޝްގެ މީހަކު ހޯދުމުގެ މަސައްކަތް ފުލުހުން ފަށައިފިއެވެ.

ފުލުހުން ހޯދަމުންދާ އެމް ޑީ މޮރްޝިދު އަލަމް އެއޮފީހުން ވައްކަން ކޮށްފައިވަނީ މިމަހުގެ 14 ވަނަ ދުވަހުއެވެ. އޭނާވަނީ އެތަނުން 8000 އެމެރިކާ ޑޮލަރާއި، 16000 ދިވެހި ރުފިޔާ ވަގަށް ނަގާފައި ކަމަށް ފުލުހުން ތުހުމަތު ކުރެއެވެ.

މިމީހާއާ ބެހޭ އެއްވެސް މަޢުލޫމާތެއް ލިބިފައިވާނަމަ އެމަޢުލޫމާތެއް މޯލްޑިވްސް ޕޮލިސް ސަރވިސްގެ ހޮޓްލައިން ނަމްބަރ 3322111 އަށް ނުވަތަ ސީރިއަސް އެންޑް އޯގަނައިޒްޑް ކްރައިމް ޑިޕާރޓްމަންޓްގެ ނަމްބަރު 9911099 އަށް ގުޅުއްވައި ހިއްސާކުރެއްވުމަށް ފުލުހުންވަނީ އެދިފައެވެ.