ޖިންސީ ޢަމަލު ހިންގާ މަންޒަރު ކުޑަކުއްޖަކަށް ދެއްކި މީހަކު ހައްޔަރު ކޮށްފި
17 ޖުލައި 2014 16:21
ޖިންސީ ޢަމަލު ހިންގާ މަންޒަރު ދައްކުވައިދޭ ފިލްމެއް ކުޑަކުއްޖަކަށް ދެއްކި ކަމުގެ ތުހުމަތާއި، އެކުއްޖާއާ އެކު ބަދުއަޚުލާޤީ އަމަލު ހިންގަން މަސައްކަތްކުރި ކަމުގެ ތުހުމަތުގައި ރ. އަލިފުށިން މީހަކު ހައްޔަރުކޮށްފި ކަމަށް ފުލުހުން ހާމަކުރައްވައިފިއެވެ.
މިމައްސަލާގައި ފުލުހުން ހައްޔަރު ކޮށްފައިވަނީ އުމުރުން 49 އަހަރުގެ ފިރިހެނެކެވެ. އޭނާ ހައްޔަރު ކޮށްފައިވަނީ ކޯޓު އަމުރެއްގެ ދަށުން ކަމަށްވެސް ފުލުހުން ހާމަކުރައްވާފައިވެއެވެ.
އޭނާ ފުލުހުންގެ ބެލުމުގެ ދަށަށް ގެނެސްފައި ވަނީ ފުލުހުން ތަހުގީގު ކުރަމުންގެންދާ އެހެން މައްސަލަ އެއްގެ ތަޙުޤީޤުން ލިބުނު މައުލޫމާތަކާ ގުޅިގެންނެވެ. އޭނާ ހައްޔަރު ކޮށްފައިވަނީ މިމަހުގެ 14 ވަނަ ދުވަހުގެ ރޭ 23:22 ހާއިރު އެވެ. އެކުދުވަހު މަތިން އެކުއްޖާއާއެކު ބަދުއަޚުލާގީ އަމަލު ހިންގުމަށް އެމީހާ މަސައްކަތް ކޮށްފައިވާ ކަމަށް ފުލުހުންވަނީ ހާމަކޮށްފައެވެ.
އޭނާ "ބެހެން" މަސައްކަތް ކޮށްފައިވަނީ ކޮންއުމުރެއްގެ ކޮން ޖިންސެއްގެ ކުއްޖަކާ ކަމެއް ފުލުހުން ހާމަކޮށްފައެއް ނުވެއެވެ.
މި މައްސަލާގައި ހައްޔަރުކޮށްފައިވާ ބަންދުގައި ބެހެއްޓުމަށް ރ. ދުވާފަރު މެޖިސްޓްރޭޓް ކޯޓުން ވަނީ އަމުރުދީފައެވެ. ފުލުހުން ގެންދަނީ މިމައްސަލަ ބަލަމުންނެވެ.
ކިޔުންތެރިންގެ ހިޔާލު