ހައްދުންމަތީ ގަމު "ރަމަޟާން ފުޓްސެލް ކަޕް" ގައި ރޭ ކުޅުނު މެޗުތައް ސިކްސް ސެންސް، ގޯޅި ހިފިނޯ، ތުރުތުރާ، ކާގަޅާ ކާމިޔާބްކޮއްފި

ހައްދުންމަތީ ގަމު "ރަމަޟާން ފުޓްސެލް ކަޕް" ގައި ރޭ ކުޅުނު މެޗުތައްސިކްކް ސެންސް، ގޯޅި ހިފިނޯ، ތުރުތުރާ، ކާގަޅާ ކާމިޔާބްކޮއްފިއެވެ.

ރޭ ފުރަތަމަ ކުޅުނު މެޗުގައި ބައްދަލުކުރީ ފުނަދޫ ޒުވާނުންގެ ރޫހް އާއި ސިކްސް ސެންސެވެ. ސިކްސް ސެންސެ މެޗު ކާމިޔާބުކުރީ ޕެނަލްޓީ ޖަހައިގެންނެވެ. ސިކްސް ސެންސެ ރޫހުން އަށް ޕެނަލްޓީ ކާމިޔާބު ކޮށްފައިވާއިރު،ފުނަދޫ ޒުވާނުންގެ ރޫހުން މެޗު ކާމިޔާބު ކުރެވުނީ ހަ ޕެނަލްޓީއެވެ. ޕެނަލްޓީޖަހަން ޖެހުނީ 2-2 ގެ ނަތީޖާއަކުން މެޗު އެއްވަރުވުމުން އިތުރުގަޑީގައި ވެސް ގޯލެއް ނުޖެހުމުންނެވެ. މި މެޗްގެ މޭންއޮފްދަ މެޗްއަށް ހޮވިފައިވަނީ ސިކްސް ސެންސް ގެ ޖޯޒީ ނަންބަރ 9 އަހްމަދު ލަތީފެވެ.

ދެވަނަ މެޗްގައި ބައްދަލުކުރީ ގޯޅި ހިފިނޯ އާއި ވައި.އާރު.ސީ އެވެ. މި މެޗް 2 ލަނޑު 1 ލަނޑުން ކާމިޔާބް ކުރީ ގޯޅި ހިފިނޯއެވެ. ގޯޅި ހިފިނޯގެ ފުރަތަމަ ލަނޑު ކާމިޔާބްކުރީ އެ ޓީމް ގެ ޖޯޒީ ނަންބަރު 11 އަހްމަދު އައްޒާމްއެވެ. ދެވަނަ ލަނޑު އެ ޓީމްއަށް ކާމިޔާބް ކޮށްދިނީ އެ ޓީމްގެ ޖޯޒީ ނަންބަރ 7 އަހުމަދު ހަލީމްއެވެ. ވައި.އާރު.ސީ އަށް ހަމައެކަނި ލަނޑު އެޓީމް އަށް ކާމިޔާބް ކޮށްދިނީ އެޓީމްގެ ޖޯޒީ ނަންބަރ 31 އަހްމަދު ރަސީދުއެވެ. މި މެޗްގެ މޭންއޮފްދަމެޗްގެ މަގާމް ހޯދާފައިވަނީ ގޯޅި ހިފިނޯގެ ޖޯޒީ ނަންބަރު 7 އަހްމަދު ހަލީމްއެވެ.

ރޭގެ ތިންވަނަ މެޗްގައި ބައްދަލުކުރީ ތުރުތުރާ އާއި ގޯޅި އޮބިނޯއެވެ. މި މެޗް 2 ލަނޑު 1 ލަނޑުން ކާމިޔާބްކުރީ ތުރުތުރާއެވެ. މި މެޗްގެ މޭން އޮފް ދަ މެޗް އަށް ހޮވިފައިވަނީ ތުރުތުރާގެ ޖޯޒީ ނަންބަރ 11 މުހައްމަދު ފަރިޔާޒްއެވެ.

ރޭގެ ހަތަރު ވަނަ މެޗްގެ ބައްދަލުކުރީ ކާގަޅާ އާއި އަމިގޯސްެއެވެ އެމެޗް 5 ލަނޑު 4 ލަނޑުން ކާމިޔާބް ކުރީ ކާގަޅާ ސުޕޯޓް ކުލަބެއެވެ.