ފަލަސްތީނާއި އިޒްރޭލު ވާހަކަދައްކައިގެން ހައްލެއް ހޯދުމަށް ރައީސް ޔާމިން ގޮވާލައްވައި
11 ޖުލައި 2014 11:13
ރައީސުލް ޖުމްހޫރިއްޔާ އަބްދުﷲ ޔާމިން
ފަލަސްތީނާއި އިޒްރޭލާއި ދެމެދު އުފެދިފައިވާ ހަމަނުޖެހުންތަކަށް ވާހަކަ ދައްކައިގެން ހައްލެއް ހޯދުމަށް ރައީސުލްޖުމްހޫރިއްޔާ އަބްދުﷲ ޔާމިން ގޮވާލައްވައިފިއެވެ.
ރައީސުލް ޖުމްހޫރިއްޔާ ރޭ ނެރުއްވި ބަޔާނެއްގައި ވިދާޅުވެފައިވަނީ އިޒްރޭލުން ފަލަސްތީނަށް ވައިގެ މަގުން ދެމުންދާ ހަމަލާތައް ވަގުތުން ހުއްޓާލަންޖެހޭ ކަމަށެވެ. ރޯދަ މަހުގައި ފަލަސްތީނުގެ ރައްޔިތުން ތަހައްމަލުކުރަމުން އަންނަ ވޭނާއި ކެކުޅުމާމެދު ދިވެހިން ހަމްދަރުދީވާކަމަށެވެ. ފަލަސްތީނު ރައްޔިތުންގެ އެންމެ އަސާސީ އިންސާނީ ހައްގުތައް އިޒްރޭލުން ބަލައިގަތުމަށް ރައީސް ވަނީ އެދިލައްވާފައެވެ. ފަލަސްތީނު ރައްޔިތުންގެ ހަރަކާތްތަކަށް އަޅާފައިވާ ހުރަސްތައް ނައްތާލުމަށް ވެސް ރައީސް ޔާމިން ވަނީ ގޮވާލައްވާފައެވެ.
ގުދުސް ވަކިކުރުމަށް ރާނާފައިވާ ބިޔަ ފާރު ނައްތާލައި، ފަލަސްތީނުގެ ބިންތަކުގައި ޔަހޫދީންނަށް ހަދާފައިވާ ޣައިރު ގާނޫނީ އާބަދީތައް އެތަންތަނުން ބޭލުމަށް ވެސް ރައީސް ޔާމިން ވަނީ ގޮވާލައްވާފައެެވެ.
ކިޔުންތެރިންގެ ހިޔާލު