ސެލެޒްނިޔޯ ހައްޔަރުކޮށް އެމެރިކާއާއި ހަވާލުކުރި މައްސަލައިގައި ރަޝިޔާއިން ރާއްޖެއަށް ފާޑުކިޔައިފި
9 ޖުލައި 2014 9:19
ހުޅުލޭ އެއާޕޯޓުން ހައްޔަރުކޮށް އެމެރިކާއާއި ހަވާލުކުރި ރޮމަން ސެލެޒްނިޔޯ
ރަޝިޔާގެ ގާނޫނު ހަދާ މަޖިލީހުގެ މެމްބަރު ވާރލޭ ސެލަޒްނިޔޯވްގެ ފިރިހެން ދަރިފުޅު ރޮމަން ސެލެޒްނިޔޯ، 30 ހައްޔަރުކޮށް އެމެރިކާ ސަރުކާރާއި ހަވާލުކިރި މައްސަލައިގައި ރަޝިޔާއިން ދިވެހިރާއްޖެއަށް ފާޑުކިޔައިފިއެވެ.
ބޭރު ދުނިޔެގެ ހަބަރުތައް ގެނެސްދޭ ނޫސްތަކުން ރިޕޯޓުކޮށްފައިވާ ގޮތުގައި ރަޝިޔާއިން ވަނީ އޭނާ ހައްޔަރުކޮށް ޝަރީއަތަކާއި ނުލައި އެމެރިކާއި ހަވާލުކުރުމުން ރާއްޖެއިން އޭނާ "ކިޑްނެޕް" ކުރި ކަމަށް ތުހުމަތުކޮށްފައެވެ. ރަޝިއާއިން އެހެން ބުނި ކަމުގައި ވިއަސް ރޮމަން އަކީ ގިނަ އަދަދެއްގެ ކުރިޑިޓް ކާޓުތަކެއް ހެކް ކުރި ކަމުގެ ތުހުމަތުގައި އެމެރިކާއިން ހޯޯދަމުން އަންނަމީހެކެވެ. އަދި އޭނާ ހައްޔަރު ކުރެވުނުކަމީ ލިބުނު ކުރިއެރުމެއްކަމަށް ބުނެ އެމެރިކާއިން ވަނީ އެކަމަށް ތައުރީފު ކޮށްފައެވެ. ނަމަވެސް އޭނާ ހައްޔަރު ކުރީ ރާއްޖެއިން ކަމެއް އެމެރިކާއިން ބުނެފައެެއް ނުވެއެވެ.
ރަޝިއާ މީހާ ރާއްޖެއިން ހައްޔަރު ކޮށްފައިވަނީ މިދިޔަ ހޮނި ހިރު ދުވަހު އިބްރާހިމް ނާސިރު އިންޓަނޭޝަނަލް އެއާޕޯޓުންނެވެ. އޭނާ ހައްޔަރު ކޮށްފައިވަނީ އެމެރިކާއިން ރާއްޖެއަށް ހިލޭ ހަދިޔާ ކޮށްފައިވާ ބޯޑާ ކޮންޓްރޯލް ސިސްޓަމުން އެލާމު އެޅުމުންނެވެ.
އެމެރިކާގެ އަހަރީ ދުވަހާއި ގުޅިގެން ފޮރިން މިނިސްޓަރ ދުންޔާ މައުމޫން ވިދާޅުވެފައިވަނީ އެމެރިކާއިން އޮގަނައިޒް ކްރައިމާއި، ޓެރަރިޒާމާއި ދެކޮޅަށް ކުރަމުން އަންނަ މަސައްކަތްތަކުން ދިވެހި ސަރުކާރުން ފުރިހަމައަށް އެއްބާރުލުން ދޭނެކަމަށެވެ. ނަމަވެސް ރަޝިޔާއިން ފާޑު ކިޔާފައިވާ މައްސަލައިގައި އިދި ފޮރިން މިނިސްޓްރީން އެއްވެސް އެއްޗެއް ނުބުނެއެވެ.
ކިޔުންތެރިންގެ ހިޔާލު