މަރުވެފައި އޮއްވާ މާލޭ ފަޅުތެރެެއިން ފެނިފައިވަނީ ސިކުނޑީގެ އުނިކަމެއް ހުންނަ ދިވެއްސެއް

މަލޭ ހުޅަނގު ދެކުނު ފަރާތު މޫދު ތެރޭގައި މަރުވެފައި އޮއްވާ މިއަދު މެންދުރު 1:30 ހާއިރު ފެނުނީ ދިވެއްސެއް ކަމަށް ފުލުހުން ބުނެފިއެވެ.

މަރުވެފައި އޮެއްވާ ފެނުނީ ޏ. ފުވައްމުލައް، މާދަޑު، މާދަޑިގެ، ޢަޒްމީ ލަޠީފް މުޙައްމަދު، 36 އެވެ. ފުލުހުން އޭނާގެ އާއިލާއާއި ހަވާލާދީ ބުނެފައިވަނީ އޭނާއަކީ ސިކުނޑީގެ އުނިކަމެއް ހުންނަ މީހެއް ކަމަށެވެ. 

މަރުވެފައި އޮތް މީހަކު ޓީ ޖެޓީ ސަރަަހައްދުން އޮޔާ ދާކަމުގެ މައުލޫމާތު ފުލުހުންނަށް ލިބިފައިވަނީ މިއަދު މެންދުރު 1:26 އެހާކަންހާ އިރުއެވެ. އޭނާ ހަށިގަނޑު ނަގައިގެން އާސަހަރާއަށް ގެންގޮސްފަައިވަނީ  އޭގެ އެއް ގަޑިއިރު ފަހުންނެވެ. 

އޮޔާދަނިކޮށް ފެނުނު މީހާގެ ހަށިގަނޑަކީ، މަރުވެފައިވާތާ ގިނަ އިރުތަކެއް ވެފައިވާ ހަށިގަނޑެއް ކަމަށް، ހަށިގަނޑު ބެއްލެވި ޑޮކްޓަރ މަޢުލޫމާތު ދެއްވާފައިވާކަމަށް ފުލުހުން ބުނެއެވެ.