ކުޑަކުއްޖަކަށް އަނިޔާކުރި ފިރިހެނެއް ހައްޔަރުކޮށްފި
0
7 ޖުލައި 2014 15:23
7 ޖުލައި 2014 15:23
ހުވަދު އަތޮޅު އުތުރުބުރީ ދެއްވަދޫ
ހުވަދު އަތޮޅު އުތުރުބުރީ ދެއްވަދޫގައި ކުޑަ ކުއްޖަކަށް އަނިޔާކުރި 37 އަހަރުގެ ފިރިހެެނެއް ހައްޔަރު ކޮށްފިއެވެ.
އޭނާ ހައްޔަރު ކޮށްފައިވަނީ ކުޑަ ކުއްޖާގެ "ކަރުގައި ހިފައި މޫނުމަތީގައި" ޖެހި ކަމުގެ ތުހުމުތައި ކަމަށް ފުލުހުން ބުނެއެވެ. ނަމަވެސް އެއީ ކިތައް އަހަރުގެ ކުޑަ ކުއްޖެއްކަމެއް ފުލުހުން ހާމައެއް ނުކުރެއެވެ.
މި މައްސަލައިގައި އޭނާ ހައްޔަރުކޮށްފައިވަނީ މިދިޔަ ހޮނިހިރު ދުވަހުއެވެ. ކޯޓަށް ހާޒިރު ކުރުމުން މައްސަލަ ތަހުގީގު ކުރުމަށް ފަސް ދުވަހަށް އޭނާ ބަންދުގައި ބެހެއްޓުމަށް ވާނީ އަމުރުކޮށްފައެވެ.
މި މައްސަލައިގައި ހައްޔަރުކުރި ފިރިހެން މީހާގެ އެއްވެސް މައުލޫމާތެއް ފުލުހުން އަދި ހާމައެއް ނުކުރެއެވެ.
ޓެގްސް
ކިޔުންތެރިންގެ ހިޔާލު