މަސްތުވާ ތަކެއްޗާއެކު ލަންކާއިން ދިވެހި ދަރިވަރަކު ހައްޔަރުކޮށްފި
6 ޖުލައި 2014 20:56
ސިރީ ލަންކާގައި ދިވެހި ކިޔަވާ ކުއްޖެއް 10 ގުރާމުގެ ހެރޮއިންއާއި އެކު އިއްޔެ ހައްޔަރުކޮށްފިއެވެ.
ސިރީ ލަންކާގެ "ޑެއިލީ މިރޯ" ނޫހުން ބުނެފައިވަނީ ދިވެހި ކުއްޖާ ހައްޔަރު ކޮށްފައިވަނީ އެ ގައުމުގެ ވެރިރަށް ކޮލަމްބޯގެ މައުންޓް ލެވޭނިއާއިން ކަމަށެވެ. އެ ކުޖާއާއިއެކު މެލޭޝިއާ މީހަކު ވެސް ހައްޔަރު ކޮށްފައިވެއެވެ. މި މައްސަލައިގައި ހައްޔަރުކޮށްފައިވާ މެލޭޝިއާ މީހަކީ އެ ގައުމަށް ގާނޫނާއި ހިލާފަށް އެތެރެވެފައިވާ މީހެކެވެ. މިއިން އެއްވެސް މީހެއްގެ ތަފްސީލެއް ލަންކާ ފުލުހުން ހާމައެއް ނުކުރެއެވެ.
ލަންކާގެ މެޖިސްޓްރޭޓު ކޯޓަކުން ވަނީ އެމީހުން މިމަހު 17 ވަނަ ދުވަހާއި ހަމައަށް ބަންދުގައި ބެހެއްޓުމަށް އަމުރުކޮށްފައެވެ.
މައުންޓް ލެވޭނިއާ އަކީ ސިރީ ލަންކާގެ ވެރިރަށް ކޮލަންބޯގެ ޓޫރިސްޓު ސަރަހައްދެކެވެ. އަދި އެއީ ގިނައަދަދެއްގެ ދިވެހިން ވެސް ދިރިއުޅޭ ސަރަހައްދެކެވެ.
ކިޔުންތެރިންގެ ހިޔާލު