އިޤްތިސާދީ ސަރަހައްދުތައް ކަނޑައެޅުމުގެ ބިލަކީ ކައުންސިލްތަކުގެ ބާރު ކަނޑުވާލުމަށް ހުށަހަޅާފައިވާ ބިލެއް- ޝިފާޒު
5 ޖުލައި 2014 22:39
ރައްޔިތުންގެ މަޖިލީހުގެ ކުރީގެ މެންބަރު ޝިފާޒު
ރައްޔިތުންގެ މަޖިލީހަށް މިހާރު ހުށަހަޅައިފައިވާ "ދިވެހިރާއްޖޭގެ އިޤްތިޞާދީ ސަރަހައްދު ކަނޑައެޅުމުގެ ބިލް" އަކީ ސީދާ ކައުންސިލްތަކުގެ ބާރު ކަނޑުވާލަން މިސަރުކާރުން ކޮށްފައިވާ ކަމެއް ކަމަށް ބާރަށުދާއިރާގެ ކުރީގެ މެންބަރު މުޙައްމަދު ޝިފާޒު ވިދާޅުވެއްޖެއެވެ.
"ދުވަސް"އަށް ދެއްވި ޚާއްސަ އިންޓަވިއުއެއްގައި ޝިފާޒު ވިދާޅުވީ، ކައުންސިލްތަކުގެ އަމިއްލަ ބާރުގައި ވިޔަފާރި ކުރުމާއި އެހެނިހެންވެސް ވަރަށް ބޮޑެތި ބާރުތައް މިބިލު ދަށުން ގެއްލިގެންދާނެ ކަމަށެވެ. އަދި އެގޮތަށް މިއަދުގެ ސަރުކާރުން މަޖިލީހަށް ބިލުތައް ހުށަހަޅަމުން އެގެންދަވަނީ ވަކިބަޔަކަށް ރާއްޖޭގެ އިގްތިސާދީ ސަރަޙައްދުގައި ވިޔަފާރި ކުރުމުގެ ބާރު ހޯއްދަވައިދެއްވަން ކަމަށްވެސް އޭނާ ތުހުމަތު ކުރެއްވިއެވެ.
"އެއީ ވަރަށް ބޮޑު ނުރައްކަލެއް އަޅުގަނޑުމެންނަށް ކުރިމަތިވާނެ ކަމެއް. ކައުންސިލްތަކުގެ އަމިއްލަބާރު ކެނޑި އެބޭފުޅުންނަށް ދެންއޮތް އުންމީދުވެސް ގެއްލިގެންދާނެ. އެގޮތުން ކައުންސިލްތަކަށް ލިބިފަ އޮތް ވިޔަފާރި ކުރުމުގެ މަގުވެސް މިބިލުގެ ޒަރިއްޔާއިން ބަންދުކުރާނެ. އެސަރަޙައްދު ތަކުގައި އެބޭފުޅުން ބޭނުންވާ ފަރާތްތަކަކަށް ވިޔަފާރި ކުރެވޭ ގޮތަށް ފަރުމާ ކުރަމުން ގެންދާ ބިލެއް އެއީ" ޝިފާޒު ވިދާޅުވިއެވެ.
ކިޔުންތެރިންގެ ހިޔާލު