ކުރިއަށް އޮތް 24 ގަޑިއިރު ތެރޭވެސް މުޅި ރާއްޖޭގެ މޫސުން ގޯސްވާނެ- މެޓް
4 ޖުލައި 2014 15:10
ކުރިއަށް އޮތް 24 ގަޑިއިރުތެރޭވެސް މުޅިރާއްޖޭގެ މޫސުން ގޯސްވާނެ ކަމަށް މޯލްޑިވްސް މިޓިއޮރޮލޮޖިކަލްސަރވިސް (މެޓް) އިން ބުނެފިއެވެ.
މެޓުން މައުލޫމާތު ދެއްވި ގޮތުގައި މޫސުން ބޮޑަށް ގޯސްވާނީ އުތުރާއި މެދުރާއްޖެތެރެއަށް ކަމަށެވެ.
މެޓުން ބުނީ ގަޑިއަކު 25 މޭލާއި 15 މޭލާދެމެދަށް ރާއްޖޭގެ ދެކޮޅަށް ވައިގަދަވާނެ ކަމަށެވެ. މީގެއިތުރުންވެސް ދެކުނުގެ ބައެއް ސަރަޙައްދު ތަކަށް 18 މޭއިލާއި 10 މޭލަށް ވައިގަދަވާނެ ކަމަށްވެސް އެތަނުން ހާމަ ކުރިއެވެ.
މީގެއިތުރުންވެސް ރާއްޖޭގެ ހުރިހާ ސަރަހައްދަކަށްވެސް ވިލާގަނޑުގައި ކަނޑު ގަދަވާނެ ކަމަށްވެސް މޫސުމާބެހޭ އިދާރާއިން ހާމަކުރިއެވެ.
ރާއްޖޭގެ ބޮޑުސަރަޙައްދަކަށް މޫސުން ގޯސްވެ، ވައިބާރުވެ، ކަނޑުގަދަވެފައިވާތީ ކަނޑު ދަތުރުފަތުރު ކުރުމުގައި ހުރިހާ ފަރާތްތަކަކުންވެސް ސަލާމަތާއި ރައްކާތެރިކަމަށް އަޅަންޖެހޭ ފިޔަވަޅުތައް އެޅުމަށް ފުލުހުންވަނީ ރޭ އިލްތިމާސް ކޮށްފައެވެ. އެގޮތުން ރޭގަނޑުގެ ވަގުތުތަކުގައި ކަނޑު ދަތުރު ކުރައްވާއިރު މުވާޞަލާތީ ވަޞީލަތްތައް ބަރާބަރަށް ބޭނުން ކުރައްވައި ސަލާމަތީ އެހެނިހެން ސާމާނު ހަމަކުރެއްވުމަށް ފުލުހުންވަނީ އިލްތިމާސް ކޮށްފައެވެ.
ކިޔުންތެރިންގެ ހިޔާލު