ރައީސް ނަޝީދުގެ އޮފީސް ފަޅާލައި ވައްކަން ކުރި މީހަކު ހައްޔަރުކޮށްފި
3 ޖުލައި 2014 11:28
ރައީސް ނަޝީދުގެ އޮފީސް ފަޅާލައި ވައްކަން ކުރި މީހަކު ހައްޔަރުކޮށްފި ކަމަށް ފުލުހުން ބުނެފިއެވެ.
ފުލުހުން ބުނީ ވައްކަން ކުރި މީހާ ހައްޔަރުކުރީ ރޭ ފަތިހު 4:00 ހާއިރު ކަމަށެވެ. ފުލުހުންނަށް ވަކަމުގެ މައުލޫމާތު ލިބިފައިވަނީ އާންމުފަރާތަކުން މައުލޫމާތު ދިނުމާއިގުޅިގެނެވެ. އަދި އެމީހާ ހައްޔަރު ކޮށްފައިވަނީ ރައީސް ނަޝީދުގެ އޮފީސް ހުންނަ ގ.ކެނަރީގެ ބްލޮގައި ހުރި ގެއެއްގެ ފުރާޅުމަތީގައި ހުއްޓައިކަަމަށް ފުލުހުން ބުނެއެވެ.
ވައްކަން ކޮށްފައިވަނީ ރައީސް ނަޝީދުގެ އޮފީހުގެ ކުޑަދޮރެއް ހަލާކުކޮށްލައިގެނެވެ. އޭނާ ބަލައިފާސްކުރިއިރު، ވަގަށް ނަގާފައިވާ ކަމަށް ބެލެވޭ ސޮނީ ބްރޭންޑްގެ މައުސްއަކާއި ޕްރިންޓަރެއްގެ އިތުރުން ވޮލެޓެއް ފެނިފައިވާކަމަށް ފުލުހުން ބުނެއެވެ.. މީގެ އިތުރުން ވައްކަން ކުރުމަށް ބޭނުންކުރެވިދާނެ ބައެއް އާލާތްތައްވެސް އޭނާގެ އަތުން ވަނީ ފެނިފައިވެއެވެ.
.ފުލުހުން ރޭ އަތުލައިގަތް މީހަކީ ވައްކަމުގެ ރިކޯޑު އޮންނަ މީހެއްކަމަށް ފުލުހުން ބުނެއެވެ. ނަމަވެސް އޭނާގެ ތަފްސީލެއް ފުލުހުން ހާމައެއް ނުކުރެއެެވެ
ކިޔުންތެރިންގެ ހިޔާލު