ހަތަރު ނަމެއް ދިރާސާ ކުރުމަށްފަހު ކޮމިޓީއަށް ފޮނުވައިފި

ޕްރޮސިކިއުޓާ ޖެނެރަލް އާއި، ޑެޕިއުޓީ ގަވަރނަރ ކަމަށާއި، އިންފޮމޭޝަން ކޮމިޝަނަރ، އާއި ޕޮލިސް އިންޓަގްރިޓީ ކޮމިޝަނަށް އައްޔަން ކުރަން، ރައީސުލް ޖުމްހޫރިއްޔާ އަބުދުﷲ ޔާމީން ރައްޔިތުންގެ މަޖިލީހަށް ފޮނުއްވި ނަން ފުޅުތައް އިތުރަށް ދިރާސާ ކުރުމަށް މަޖިލީހުގެ މިނިވަން މުއައްސަސާތަކާބެހޭ ކޮމިޓީއަށް ފޮނުއްވައިފި އެވެ.

ޕްރޮސެކިއުޓާ ޖެނެރަލްކަމުގެ މަގާމަށް އައްޔަން ކުރެއްވުމަށް މަޖިލީހުގެ ރުހުން ހޯއްދެވުމަށް ރައީސް ޔާމީން މަޖިލީހަށް ފޮނުއްވާފައިވާ މައުމޫން ހަމީދަކީ، ނިމިދިޔަ ރައްޔިތުންގެ މަޖިލީހަށްވެސް ހުށަހެޅި، އެ މަޖިލީހުން ރުހުން ލިބިފައިނުވާ ބޭފުޅެކެވެ.

އެމްއެމްއޭގެ ޑިޕިއުޓީ ގަވަރނަރ ކަމުގެ މަގާމަށް މަޖިލީހުގެ ރުހުން ހޯއްދެވުމަށް ފޮނުއްވާފައިވަނީ، ފާތުމަތު އިނާޔާގެ ނަންފުޅެވެ. އަދި އިންފޮމޭޝަން ކޮމިޝަނަރގެ މަގާމަށް އައްޔަން ކުރުމަށް މަޖިލީހުގެ ރުހުން ހޯއްދެވުމަށް ފޮނުއްވާފައިވަނީ، ކުރީގެ މަޖިލިސް މެންބަރު އަބްދުލްއަޒީޒް ޖަމާލް އަބޫބަކުރުގެ ނަންފުޅެވެ. އަދި ޕޮލިސް އިންޓަގްރިޓީ ކޮމިޝަނަށް އައްޔަން ކުރުމަށް ޓައްކައި ރުހުން ހޯއްދެވުމަށް ފޮނުއްވާފައިވަނީ، ކުރޮޅި އާދަމް ޒާހިރުގެ ނަންފުޅެވެ.