އަންހެނެއްގެ އަތްދަބަސް ފޭރިގަތް މީހަކު ހައްޔަރު ކޮށްފި
30 ޖޫން 2014 14:39
ކުށެއްގެ ތުޙުމަތަށް މީހަކު ފުލުހުންގެ ބެލުމުގެ ދަށަށް ގެންނަނީ - ފޮޓޯ: ޕޮލިސް މީޑިއާ
އަންހެނެއްގެ އަތްދަބަސް ފޭރިގަނެގެން ފިލަން އުޅުނު މީހަކު ފުލުހުން ހައްޔަރު ކޮށްފިއެވެ.
މިއަދު ހެނދުނު ހިނގި މިހާދިސާގައި 22 އަހަރުގެ ޒުވާނާ ފޭރިގެންފައިވަނީ ޖަސްޓިސް ބިލްޑިންގ ކައިރިން ހިނގާފައިދިޔަ އަންހެނެއްގެ ދަބަހެވެ. އަތްދަބަސް ފޭރިގަތް މީހާ އަތުލައިގެންފައިވަނީ ޖަސްޓިސް ބިލްޑިންގެ ޑިއުޓީގައި އެވަގުތު ހަރަކާތްތެރިވަމުން ދިޔަ ފުލުހުންނެވެ.
މި މައްސަލަ ފުލުހުން ގެންދަވަނީ ތަހުގީގު ކުރަމުންނެވެ. އެހެން ކަމުން މިކަމާ ގުޅިގެން އިތުރު ތަފްސީލެއް ފުލުހުން ހާމައެއް ނުކުރެއެވެ.
ރޯދަމަހު މިފަދަ ހާދިސާތައް ހިނގަމުންދާތީ ފުލުހުންވަނީ މާލެތެރެ ބެލެހެއްޓުމަށް އިތުރު ސަމާލު ކަމެއްދީފައެވެ. އެގޮތުން ފަތިސްގަޑީގައިވެސް ފުލުހުންގެ ހަރަކާތްތައް ކުރިއަށް ގެންދާނެއެވެ. އަދި ފުލުހުން ބޭނުންވެއްޖެ ހާލަތެއްގައި މީހުންނާ ސުވާލުކޮށް ފާސްކުރަމުން ގެންދާނެއެވެ.
ފުލުހުންވަނީ ރޯދަމަހު ދުވާލު ކާންހުރި މީހަކުވެސް އަތުލައިގެންފައެވެ. އޭނާ އަތުލައިގެން ފާސްކުރި އިރު އޭނާގެ ބޮކްސާގެ ތެރެއިންވަނީ މަސްތުވާތަކެތިވެސް ފެނިފައެވެ.
ކިޔުންތެރިންގެ ހިޔާލު