ގްރޭޑް ދިހައަކުން ދަށުގެ ކުދިންގެ ކިޔެވުން ރޯދަމަހު ބަންދު ކުރަން ނިންމައިފި

ގްރޭޑް ދިހައަކުން ދަށުގެ ކުދިންގެ ކިޔެވުން ރޯދަމަހަށް މެދު ކަނޑާލަން އެޑިއުކޭޝަން މިނިސްޓްރީން މިއަދު ނިންމައިފިއެވެ.

މިގޮތަށް ނިންމ ިކަން އެމިނިސްޓުރީން ވަނީ އި ސްކޫލުތަކަށް ވެސް އަންގަވައިފައެވެ.

މެމޯގައި ބުނެފައިވަނީ ޕްރީ ސްކޫލުން ފެށިގެންގުރޭޑު ނުވައަކާ ހަމައަށް ރޯދަމަހަށް ކިޔެވުން މެދުކަނޑާލަން ޖެހޭނެ ކަމަށެވެ. އެހެން ނަމަވެސް ގުރޭޑު 10 ކުން 12 ވަނަ ގުރޭޑާއި ހަމައަށް ކިޔެވުން ކުރިއަށް ގެންދިއުމަށްވެސް އެޑިއުކޭޝަނުން ވަނީ އަންގައިފައެވެ.

ރޯދަ މަހު ސްކޫލުތަކުގެ ކިޔެވުން ފަށަންޖެހެނީހެނދުނު 9:00 އަށް ފަހު އެވެ. ސްކޫލު ސެޝަނެއްގެ ދިގު މިނަކީ ތިން ގަޑިއިރެވެ. ކޮންމެ ޕީރިއަޑެއްގެ ދިގުމިން ކަނޑައަޅާފައިވަނީ 45 މިނަޓަށެވެ. މިހެން ކަމުންކޮންމެ މާއްދާއެއް ވެސް ދެ ހަފްތާ ތެރޭގައި ކަވަރު ކުރެވޭނެ ގޮތަށް ޓައިމްޓޭބަލް ކަނޑައެޅުމަށް އެޑިއުކޭޝަނުން ވަނީ އެދިފައެވެ.

ސްކޫލުތަކުގެ ހުރިހާ މުވައްޒަފުންނާއި ކިޔަވާކުދިންނަށް ވަގުތުން ވަގުތަށް ނަމާދު ކުރެވޭނެ އިންތިޒާމު ހަމަޖައްސައިދީފައި ބޭއްވުމަށް ވެސް އެޑިއުކޭޝަނުން ވަނީ އިލްތިމާސް ކޮށްފައިއެވެ.

ރޯދަ މަހުގައި ސިވިލްސާވިސްގެ މުވައްޒަފުންގެ ރަސްމީގަޑިއަށްވެސް ވަނީ ބަދަލު ގެނެސްފައެވެ. ސިވިލް ސާވިސް މުވައްޒަފުން މަސައްކަތަށް ނުކުންނަން ޖެހެނީ ހެނދުނު 10:00 އަށެވެ. އެމީހުންގެ ނިމޭނީ މެންދުރު ފަހު 2:00 ގައިއެވެ.