ވައިގެ މަގުން ނުވަ ލައްކަ ރުފިޔާގެ މަސްތުވާ ތަކެތި އެތެރެކުރި ދެ މީހުން ހައްޔަރުކޮށްފި
24 ޖޫން 2014 12:31
ހޯމަ ދުވަހު ހުޅުލެއިން މާލެއަށް އަދި ދެމީހުންގެ އަތުން އަތުލައިގަނެފައިވާ މަސްތުވާތަކެތި: ފޮޓޯ ޕޮލިސް
ވައިގެ މަގުން ނުވަ ލައްކަ ރުފިޔާގެ މަސްތުވާ ތަކެތި އެތެރެކުރި ދެ ދިވެހިން ހޯމަ ދުވަހުގެ ހަވީރު ހައްޔަރު ކޮށްފިއެވެ.
މި މައްސަލައިގައި ހައްޔަރު ކޮށްފައި ވަނީ އުމުރުން 48 އަހަރުގެ ފިރިހެނަކާއި، 21 އަހަރުގެ ފިރިހެނެއް ކަމަށް ފުލުހުން ބުނެއެވެ. އެ މީހުންގެ އިތުރު މައުލޫމާތެއް ފުލުހުން ހާމައެއް ނުކުރެއެވެ. ދެ މީހުން ވެސް ހައްޔަރު ކޮށްފައިވަނީ ހުޅުލެއިން މާލެ އައި ވަގުތުއެވެ.
އެމީހުން އަތުން އަތުލައިގަތް މަސްތުވާ ތަކެތީގެ މަގުމަތީ އަގު ނުވަ ލައްކަ ރުފިޔާއަށްވުރެ ގިނަވާނެ ކަމަށް ފުލުހުން ބުނެއެވެ. އެހެން ނަމަވެސް އެމީހުންގެ އަތުން އަތުލައިގަނެފައި ވާ ތަކެތީގެ ބަރުދަން ހާމައެއް ނުކުރެއެވެ. އަދި އެއީ ކޮން ބާވަތެއްގެ މަސްތުވާ ތަކެއްޗެއްކަން ވެސް ހާމައެއް ނުކުރެއެވެ.
މި މީހުންގެ ތެރެއިން 31 އަހަރުގެ މީހަކީ ވައްކަމުގެ ރެކޯޑު ވެސް އޮންނަ މީހެއް ކަމަށް ފުލުހުން ބުނެއެވެ.
ކިޔުންތެރިންގެ ހިޔާލު