ވަށަފަރުގޭގައި މީހަކު މަރުވެފައި އޮއްވައި ފެނިއްޖެ
22 ޖޫން 2014 23:43
ގަލޮޅު ފަށަފަރުގޭގެ 4 ވަނަ ފަންގިފިލާފައި މީހަކު މަރުވެފައި އޮއްވައި މިރޭ ފެނިއްޖެ ކަމަށް ފުލުހުން ހާމަ ކުރައްވައިފިއެވެ.
ފުލުހުންގެ މީޑިއާއިން ބުނީ މަރުވެފައި އޮއްވައި ފެނިފައިވަނީ 50 އަހަރުގެ ފިރިހެނެއް ކަމަށެވެ. އެމީހާ މަރުވެފައިވާ ކަމުގެ މައުލޫމާތު ފުލުހުންނަށް ލިބިފައިވަނީ މިރޭ 9.45 ގައި ކަމަށްވެސް ފުލުހުން ވަނީ ބުނެފައެވެ. މަރުވެފައިވާ މީހާއަކީ ދިވެއްސެކެވެ. އެމީހާގެ ހަށިގަނޑު މިހާރުވަނީ އައިޖީއެމްއެޗަށް ގެންގޮސްފައެވެ.
ފުލުހުންގެ ފޮރެންސިކް ޓީމުން ގެންދަނީ އެމީހާގެ ހަށިގަނޑު ތަހުލީލު ކުރަމުން ކަމަށްވެސް ވަނީ މައުލޫމާތު ލިބިފައެވެ.
ފުލުހުން ބުނީ އެމައްސަލަ ގެންދަނީ ބަލަމުން ކަމަށެވެ. އެހެން ކަމުން އެމީހާގެ މަރާ ބެހޭ ގޮތުން އަދި އެއްޗެއް ދެންނެވެން ނެތް ކަމަށެވެ.
މައުލޫމާތު ލިބިފައިވާ ގޮތުގައި މަރުވެފައި އޮއްވައި، ވަށަވަރުގެއިން ފެނިފައިވަނީ ގ. މާވާވިލާ، ޝަރުކާން އަހުމަދު ދީދީއެވެ.
ކިޔުންތެރިންގެ ހިޔާލު