ފިހާރަތަކުގެ ބިއްލޫރި ތަޅަމުންދިޔަ އަންހެނަކު ހައްޔަރު ކޮށްފި
12 ޖޫން 2014 19:43
ފުވައްމުލައް
ފުވައްމުލަކު ތިން ފިހާރައެއްގެ ބިއްލޫރިގަނޑު ތަޅާލި އަންހެނަކު ހައްޔަރު ކޮށްފިއެވެ.
މި މައްސަލައިގައ ހައްޔަރު ކޮށްފައިވަނީ 25އަހަރުގެ އަންހެނެއް ކަމަށް ފުލުހުންވަނީ ހާމަ ކުރައްވައިފައެވެ. އޭނާގެ އިތުރު އެއްވެސް މައުލޫމާތެއް ފުލުހުން ހާމައެއް ނުކުރައްވައެވެ.
އޭނާ ތަޅާލާފައިވަނީ އެ ރަށު މިސްކިތްމަގުއަވަށުގެ ތިން ފިހާރައެއްގެ ބިއްލޫރިގަނޑެވެ. އެއީ ނައިސް ލުކް، ސެވަން ސެންސް،އަދި ލޭޑީ ރޯސް ފިހާރަ އެވެ.
ފުވައްމުލަކުން މައުލޫމާތު ދިންމީހަކު ބުނީފިހާރަތަކުގެ ބިއްލޫރިތައް ތެޅުމާ ގުޅިގެން އޭނާ ފުލުހުންގެ ބެލުމުގެ ދަށަށް ގެނެސްފައި ދޫކޮށްލުމުން އިތުުރު ފިހާރައެއްގެ ބިއްލޫރިވަނީ ތަޅައިލައިފައެވެ.
"އެއީ ސިކުނޑި ހަމަޖެހޭ މީހެއް ނޫން. އޭނާ އެކަން ކުރަނީ ކީއްވެ ކަމެއްނޭނގޭ. މިކަހަލަ ކަންކަން ކުރިންވެސް އޭނާ ކުރޭ. މީގެ ކުުރިން އޭނާއަކީ ޚާއްސަ އެހީއަށް ބޭނުންވާ މީހުންތިބޭ މަރުކަޒުން ފަރުވާވެސް ހޯދައިފައިވާ މީހެއް،" މުލަކުންވާހަކަ ދެއްކި މީހާ ބުންޏެވެ.
މި މައްސަލަ ފުވައްމުލަކު ޕޮލިސް ސްޓޭޝަނުން ތަހުގީގު ކުރަމުންދާތީ އިތުރު މައުލޫމާތު ދެވެން ނެތްކަމަށް ފުލުހުން ވަނީބުނެފައެވެ.
ކިޔުންތެރިންގެ ހިޔާލު