ބައެއް އިދާރާތައް ބަދުނާމު ކުރަމުންދިޔަ މީހާ ފުލުހުންގެ އިދާރާއަށް ހާޒިރު ވެއްޖެ
11 ޖޫން 2014 18:51
ހދ. ކުޅުދުއްފުށި، އެޕަލް، މުޙައްމަދު އިބްރާހީމް: ފޮޓޯ ޕޮލިސް
ފޭސްބުކުގައި ސަރުކާރުގެ ބައެއްއިދާރާތައް ބަދުނާމު ކޮށް ސްޓޭޓަސް ލިޔެ، އަންހެންކުދިންގެ ބަރަހަނާ ފޮޓޯތައް ލަމުންދިޔަ މީހަކު ހޯދަމުން ދަނިކޮށް އޭނާ އަމިއްލައަށް ފުލުހުންގެ އިދާރާއަށް ހާޒިރުވެއްޖެ އެވެ.
ފުލުހުން ބުނެފައިވަނީ އޭނާ ފުލުހުންގެއިދާރާއަށް ހާޒިރުވެފައިވަނީ މިއަދު "ހަވީރުގެ ވަގުތެއްގައި" ކަމަށެވެ.
މިމައްސަލާގައި ފުލުހުން ކޯޓުއަމުރެއްގެދަށުން ހޯދަމުން ދިޔައީ ހދ. ކުޅުދުއްފުށި، އެޕަލް، މުޙައްމަދު އިބްރާހީމް (25އ)އެވެ.
އޭނާ ފޭސްބުކުގައި ހަޑިހުތުރު ބަހުންލިޔެ، ބައެއް އިދާރާތައް ބަދުނާމުކޮށް، ތަފާތު އަންހެން ކުދިންގެ ބަރަހަނާފޯޓުލައި ހަދަމުންދާން ފަށައިފައިވަނީ މިއަހަރުގެ މެއިމަހު 18 ވަނަ ދުވަހުންފެށިގެންނެވެ.
މިމައްސަލައިގައި އޭނާގެ ބަޔާންނެގުމަށް އޭނާ ހޯދުމުގެ މަސައްކަތް ފުލުހުން ފެށި ކަމަށްވިޔަސް އުޅޭތަނެއްއެނގިފައިނުވާ ކަމަށް ފުލުހުންވަނީ ބުނެފައެވެ.
މި މައްސަލައާ ގުޅިގެން އޭނާގެ ފޯނަށްގުޅުމުންވެސް އޭނާ ހުރިތަނެއް ނުބުނެފުލުހުންގެ "ތަޙުޤީޤަށް އެއްބާރުލުންދިނުމަށް ވަނީ ދެކޮޅު ހަދާފައި،" ކަމަށް ފުލުހުން ވަނީ ހާމަކުރައްވާފައެވެ.
އޭނާ ހައްޔަރުކޮށްގެން ތަޙުޤީޤު ކުރުމުގެއަމުރު ނެރެފައިވަނބީ ކުޅުދުއްފުށީ މެޖިސްޓްރޭޓް ކޯޓުންނެވެ. ނަމަވެސް އޭނާއަމިއްލައަށް ފުލުހުންގެ އިދާރާއަށް ހާޒިރުވުމުން އެއަމުރުވަނީ ބާތިލްވެފައެވެ.
ކިޔުންތެރިންގެ ހިޔާލު