އެއްޖިންސުން ޖިންސީ ގުޅުން ހިންގި މީހަކު 14 އަހަރަށް ޖަލަށް ހުކުމް ކޮށްފި.

އެއް ޖިންސުން ޖިންސީ ގުޅުން ހިންގަމުންދިޔަ މީހަކު 14 އަހަރަށް ޖަލަށްލުމަށް ކްރިމިނަލް ކޯޓުން ހުކުމްކޮށްފި އެވެ.

ކްރިމިނަލްކޯޓުން މިއަދު ހުކުމް ކޮށްފައިވަނީީ ޅ. ނައިފަރު، މިސްކިތްމަގު، އަޙްމަދުއިބްރާހިމް،  38 ގެ މައްޗަށެވެ. އޭނާގެ މައްޗަށް ޙުކުމް ކޮށްފައިވަނީ ސޯޅަ އަހަރުގެ ފިރިހެން ކުއްޖަކާ ހިންގުމުންނެވެ. އޭނާ މިއަމަލު ހިންގައިފައިވަނީ 2012 ސެޕްޓެމްބަރ 20 ވަނަ ދުވަހުގެރޭ ހެންވޭރު ދަނޑު ކައިރީގައިހުންނަ ގެސްޓްހައުސްއެއްގައެވެ. މިމައްސަލަ ވަނީ ޝަރީއަތަށް ސާބިތުވެފައެވެ.

އެއްޖިންސުން ޖިންސީ ގުޅުން ހިނގިކަން މީގެ ކުރިން ވެސް އަހުމަދު އިބްރާހިމްގެ މައްޗަށް ވަނީސާބިތުވެފައެވެ. މިގޮތުން 2002 ވަނަ އަހަރު، 15 އެތިފަހަރުން ތައުޒީރު ކުރުމަށްފަހު9 މަސް ދުވަހަށް އަރުވާލުމަށް ހުކުމްކޮށްފައިވެއެވެ.

އޭނާ ޙުކުމް ތަންފީޒު ކުރުމަށް އއ. ތޮއްޑޫއަށް އަރުވާލާފައި ވަނިކޮށް އެރަށުން 16 އަހަރުގެ ފިރިހެން ކުއްޖަކާއެކު ގަދަކަމުން ބަދުއަހްްލާޤީ އަމަލު ހިންގި މައްސަައެއްގެ ރެކޯޑުވެސް އޮންނަކަމަށް ފުލުހުން ބުނެއެވެ. މީގެ އިތުރަށް 2009 ވަނަ އަހަރު ފެބްރުއަރީ މަހު ތެރޭގައި 18 އަހަރު ނުފުރޭދެ ފިރިހެން ކުއްޖަކާއެކު އޭނާ ބަދުއަހުލާގީ އަމަލު ހިންގާފައިވާ ކަމަށް ވެސް ފުލުހުން ބުނެއެވެ.