ރޯޑުރޭހުއި ދުވަން އުޅެނިކޮށް ސްޓްރޯކް ޖެހުނު ޑޮކްޓަރު ނިޔާވެއްޖެ
8 ޖޫން 2014 23:50
މިދިޔަ ހުކުރުދުވަހު މާލޭގައި ބޭއްވި ދިރާގު ރޯޑުރޭހުގައި ދުވަން އުޅެނިކޮށް ހީޓު ސްޓްރޯކެއް ޖެހިގެން އޭޑީކޭގައި ފަރުވާހޯދި ޑޮކްޓަރު މިރޭ ނިޔާވެއްޖެއެވެ.
އޭޑީކޭ ހޮސްޕިޓަލުގެ އީއެންޓީ ޑޮކްޓަރެއްގެ ގޮތުގައި މަސައްކަތްކުރަމުންދިޔަ އިންޑިއާގެ ރައްޔިތެއް ކަމަށްވާ ޑރ. އަބީޝެކް ނިޔާވެފައިވަނީ އިންޑިއާގެ ޓްރިވެންޑްރަމްގައެވެ. އޭނާ އިންޑިއާއަށް ގެންގޮސްފައިވަނީ މިއަދު ހެނދުނު ކަމަށް އޭޑީކޭގެ މެނޭޖިން ޑިރެކްޓަރ އަޙުމަދު އަފްއާލް ވިދާޅުވިއެވެ. މިކަމާ ބެހޭ އިތުރު އެއްވެސް ތަފްސީލެއް އޭނާ ނުދެއްވައެވެ.
އަފްއާލް ރޭ ވިދާޅުވެފައިވަނީ ޑޮކްޓަރުގެ ހާލު ރަނގަޅުވަމުން އަންނަ ކަމަށެވެ. ނަމަވެސް މިއަދު އޭނާ އިންޑިއާއަށް ގެންދިޔައި އިތުރަށް ބަލިބޮޑުވެގެން ކަމެއް ނުވަތަ އާއިލާއިން ބޭނުންވެގެން ކަމެއް އައްފާލް ވިދާޅެއް ނުވެއެވެ.
އަފްއާލް ވިދާޅުވީ ހީޓް ސްޓްރަކީ މަދުން ނަމަވެސް މީހުންނަށް ދިމާވާ ކަމެއް ކަމަށެވެ. އެކަން ދިމާވަނީ ދުވުން ފަދަ "ފިޒިކަލް" ކަމެއް ކުރުމުން ހަށިގަނޑުގެ ހޫނު މިން މައްޗަށް ގޮސްގެންނެވެ.
ކިޔުންތެރިންގެ ހިޔާލު