ކާޑެއްދޫން މާލެއައި މޯލްޑިވިއަންގެ ބޯޓެއްގެ ތިންފޮރޮޅު ފަޅައިގެން ހިނގައްޖެ
8 ޖޫން 2014 18:18
ފުރޮޅު ފަޅައިގެންދިޔަ ބޯޓުގެ ފުރުޅު މަރާމާތު ކުރުމަށްފަހު ހެނގަރު ކުރިމަތީ ބާއްވާފައި
ކާޑެއްދޫއިން މިއަދު ހަވީރު މާލެއައި އައިލެންޑް އޭވިއޭޝަން ސާވިސަސް (އައިއޭއެސް) ބޯޓެއް އިބްރާހީމް ނާސިރު އިންޓަރނޭޝަނަލަ އެެއާޕޯޓަށް ޖެއްސިތަނާ އޭގެ ތިންފޮރުޅު ވަޅައިގެން ހިނގައްޖެއެވެ.
މިހާދިސާގައި އެއްވެސް މީހަކަށް އަނިޔާއެއްވެފައިނުވާ ކަމަށް އައިއޭއެސްގެ މީޑީއާ ކޯޑިނޭޓަރ ނަޝާދު ވިދާޅުވިއެވެ. އޭނާވިދާޅުވީ އެބޯޓުގައި ދަތުރުކުރީ ކިތައް މީހުންކަން އަދި އޭނާއަށް އެނގިފައިނުވާކަމަށެވެ.
މިހާދިސާއަށްފަހު ބޯޓު އަދިވެސް އޮތީ ރަންވޭމަތީގައި ކަމަށް އެއާޕޯޓުގައިހުރި މީހަކު "ދުވަސް ނިއުސް" އަށްކިޔައިދިނެވެ. "މިހާރުވެސް އަލިފާން ނިވާލޮރީތަކާއި މީހުން އެސަރަހައްދުގައިއެބަ ހަރަކާތްތެރިވޭ. މިވަގުތު ރަންވޭއަށް އެއްވެސް ބޯޓެއްވެސް ނުޖައްސާ. ތަންއޮތީ ބަންދު ކޮށްފައި،" އޭނާ ބުންޏެވެ.
އަލީ ނަޝާތު ވިދާޅުވީ މިހާދިސާ ހިނގަން ދިމާވި ސަބަބުއަދި އެނގިފައިނުވާ ކަމަށެވެ. ނަމަވެސް ބޯޓަށް ދިމާވި މައްސަލަ ހައްލުކުރުމަށްފަހު މިރޭގެ ވަގުތެއްގައި ނިމޭނެ ކަމަށް އޭނާ ވިދާޅުވިއެވެ. މިހާރުންފެށިގެން ބޯޓު ހެދުމުގެ މަސައްކަތް ކުރަމުންދާ ކަމަށްވެސް އޭނާ ވިދާޅުވިއެވެ.
ދުވަސްނޫހަށް މަޢުލޫމާތުލިބިފައިވާ ގޮތުގައި މިހާދިސާ ހިނގާފައިވަނީ ބޯޓު ރަންވޭއަށްޖައްސައިގެން އަންނަނިކޮށް އިންޖީނުގެ ރިވާސް ބައިފެއިލް ވެގެންނެވެ. އެހެންކަމުންބޯޓު މަތަކުރުމަށް ޕައިލެޓް ހޭންޑް ބްރަކި ޖެއްސިތަނާ ތިންފޮރޮޅު ފަޅައިގެންދިޔައީ ކަމަށެވެ.
ކިޔުންތެރިންގެ ހިޔާލު